செயற்கைக் கருப்பை அறிவியலின் அடுத்த அடி

  December 22, 2022 • Viduthalai

இயந்திரங்கள் மற்றும் நவீன கண்டுபிடிப்புகள் முக்கியத்துவம் மனித வாழ்க்கையில் நீண்ட காலத்திற்கு முன்பே ஆதிக்கம் செலுத்த ஆரம்பித்து விட்டது. எதிர்காலத்தில் இயந்திரங்கள் மூலம் என்ன என்ன நடக்கும் என்று கணிப்பது கடினம்.  அந்த வகையில் இப்போது செயற்கைக் கருப்பை மூலம் குழந்தைகளை பிறக்க வைக்க முடியும் என்று எக்டோ லைப்  என்ற தனியார் நிறுவனம் ஒன்று தெரிவித்துள்ளது. இது தான் உலகில் செயற்கையாக உருவாக்கப்பட்ட முதல் கருவறை நிறுவனம் என்றும் கூறப்படுகிறது. எக்டோலைப் நிறுவனம் பெர்லினை தலைமையகமாகக் கொண்ட உயிரி தொழில்நுட்பவியல் நிறுவனம். இந்த நிறுவனம் தான் உலகின் முதல் செயற்கைக் கருப்பை முறையில் குழந்தையை உருவாக்கும் முறையை அறிமுகப்படுத்துகிறது.   வருங்காலத்தில் தாய் கர்ப்பமாக இருக்க வேண்டிய அவசியமில்லை. பிரசவம் அல்லது அறுவை சிகிச்சை போன்ற வலிகளில் இருந்து பெண்கள் விடுதலை அடைவார்கள்

எக்டோலைஃப், 'உலகின் முதல் செயற்கைக் கருவூட்டல் வசதி' என்பது குழந்தைகளை பெற்றெடுக்க பெற்றோர் களுக்கு இது ஒரு வசதியாக வழிமுறையை வழங்குகிறது.  பெண்களின் கருப்பை போலவே செயற்கையாக உருவாக்கப்பட்டுள்ள கருப்பை  அமைப்புகள் மூலம் வருடத்திற்கு 30,000 குழந்தைகளை உருவாக்க முடியும் என்று எக்டோலைப் நிறுவனம் கூறுகிறது. இதில் உள்ள ஒவ்வொரு செயற்கைக் கருப்பைகளிலும் குழந்தையின் இதயத் துடிப்பு, ரத்த அழுத்தம், வெப்பநிலை, சுவாசம் உள்ளிட்ட முக்கிய உயிர்காக்கும் அம்சங்களை கண்காணிக்கும் சென்சார்கள் பொருத்தப்பட்டிருக்கும். இது தொடர்பான காணொலிக் காட்சிப் பதிவை எக்டோலைப் நிறுவனம் வெளியிட்டுள்ளது. 

உலகெங்கிலும் உள்ள ஆராய்ச்சியாளர்களின் ஐம்பது ஆண்டுகால 'முன்னோடியில்லாத அறிவியல் ஆராய்ச்சி'யின் அடிப்படையில் கூறிள்ளது,  ஒரு ஆய்வகத்தில் ஆண்டுக்கு 30,000 குழந்தைகளை வளர்க்க முடியும். மக்கள் தொகை தொடர்ந்து குறைந்து கொண்டிருக்கும் ஜப்பான், பல்கேரியா மற்றும் தென் கொரியா போன்ற நாடுகளுக்கு இது பெரிதும் உதவும் என்றும், உடல் நல பாதிப்புகள் மற்றும் கருப்பை பாதிப்புகளால், குழந்தை பெற்றுக் கொள்ள முடியாமல் இருக்கும் பெண்களுக்கு இது வரப்பிரசாதமாக அமையும் எனவும் கூறப்படுகிறது. இது முழுவதும் மாசற்ற மின்சார சக்தியில் இயங்கும் இதன் கீழ் 75 ஆய்வகங்கள் கட்ட திட்டமிடப்பட்டுள்ளது. ஒரு ஆய்வகத்தில் 400 செயற்கைக் கருப்பை இருக்கும்.

ஆதிமனிதன் வரலாறு: 31,000 ஆண்டுக்கு முன்பே உறுப்பு நீக்க அறுவைச் சிகிச்சை செய்த குகை மனிதன்

    September 22, 2022 • Viduthalai

31 ஆயிரம் ஆண்டுகளுக்கு முன் மண்ணில் புதைக்கப்பட்ட இளைஞர் ஒருவரின் உடலை ஆராய்ச்சியாளர் கள் கண்டுபிடித்துள்ளனர். இந்த இளைஞரின் உடலில் அறுவை சிகிச்சை மூலம் கால் துண்டிக்கப்பட்ட தற்கான ஆதாரங்கள் இருப்பதாகவும், இது மிகவும் சிக்கலான அறுவை சிகிச் சையின் தோற்றம் ஏற்கெனவே கருதி யிருந்ததைவிட 24 ஆயிரம் ஆண்டு களுக்கு முந்தையது என்பதை நமக்கு தெரிவிப்பதாகவும் ஆராய்ச்சியாளர் கள் தெரிவித்துள்ளனர்.

இந்த சிக்கலான அறுவை சிகிச் சைக்கு பின்னர் அந்த இளைஞர், பல ஆண்டுகள் உயிருடன் இருந்ததற்கான ஆதாரங்கள் இருப்பதாகவும் தொல் பொருள் ஆராய்ச்சியாளர்கள் தெரிவித்துள்ளனர்.

இளைஞர் உடலை பரிசோதனை செய்து பார்த்த மருத்துவர் மெலண்ட்ரி வோல்க், மிகத் துல்லியமாக அறுவை சிகிச்சை செய்யப்பட்டுள்ளதாக தெரிவித்தார்.

இந்தோனேசியாவில் போர்னியோ வின் கிழக்கு கலிமந்தனில் உள்ள லியாங் டெபோ உள்ள குகையில் இந்த கல்லறை தோண்டப்பட்டுள்ளது. இந்த குகையில் உலகின் பழங்கால பாறை ஓவியங்கள் காணப்படுகின்றன.

ஆராய்ச்சியில் ஈடுபட்ட மூன்று ஆராய்ச்சியாளர்களில் ஒருவரான, ஆஸ்திரேலியாவின் கிரிஃபித் பல் கலைக் கழகத்தை சேர்ந்த டாக்டர் டிம் மலோனி பழங்கால எலும்புகளை ஆராய்ச்சி செய்வது உற்சாகத்தையும் அச்சத்தையும் ஒரே நேரத்தில் தருவ தாகக் கூறினார்.

பழங்கால இளைஞரின் உடல் பற்றி நேச்சர் இதழ் வெளியிட்டுள்ள விரி வான ஆய்வுக் கட்டுரையில், இந்த அறுவை சிகிச்சை - இளைஞர் குழந் தையாக இருந்தபோது நடந்ததாக தெரிவித்துள்ளது. அறுவை சிகிச்சைக் குப் பின் ஆறு முதல் ஒன்பது ஆண் டுகள் வரை அந்த இளைஞர் உயிரு டன் இருந்திருக்கலாம் என்றும், பின் னர் பதின்ம அல்லது இருபது வயதில் அவர் இறந்து இருக்கலாம் என்றும் அந்த கட்டுரையில் தெரிவிக்கப்பட்டு உள்ளது.

"நாங்கள் மிகவும் கவனமாக இந்த படிமங்களை ஆராய்ச்சி செய்தோம். அப்போது இளைஞரின் இடது கால் எலும்புகள் காணாமல் பொய் இருப் பதை காண முடிந்தது. மீதமுள்ள எலும்புகளின் எச்சங்களை ஆராய்ச்சி செய்தோம். அவை அனைத்தும் மிக வும் அசாதாரணமானவை" என்று பிபிசி செய்தியாளரிடம் டாக்டர் டிம் மலோனி தெரிவித்தார். அறுவை சிகிச்சை உள்ளிட்ட பல்வேறு மருத் துவ முறைகளின் சாத்தியக்கூறுகள் குறித்து இந்த ஆராய்ச்சி ஏற்படுத்திய உற்சாகத்தில் நாங்கள் உள்ளோம்.

சிட்னி பல்கலைக்கழகத்தை சேர்ந்த டாக்டர் வோல்க்-கிடம், இந்த பகுதியிலுள்ள எலும்புகளின் எச்சங் களை ஆய்வு செய்யும்படி கேட்டுக் கொண்டது.

இதுகுறித்துப் பேசிய அவர் "இது மகிழ்ச்சியும், சோகமும் நிறைந்தது. ஏனென்றால், இது ஒரு மனிதருக்கு நேர்ந்திருக்கிறது." என்றார்.

"31 ஆயிரம் ஆண்டுகளுக்கு முந் தைய எலும்புகள் இவை. இளைஞர் குழந்தையாக இருந்தபோது அறுவை சிகிச்சை செய்யப்பட்டுள்ளது. அப் போது அந்த இளைஞர் எவ்வளவு வேதனையை அனுபவித்து இருப்பார் என்பதை உணர முடிகிறது"

இது மதச் சடங்கு அல்லது பலி கொடுப்பது ஆகியவையாக இருக்க வாய்ப்பில்லை என்று கூறிய டாக்டர் மலோனி, இது ஒரு அறுவைச் சிகிச்சை என்று தொல்லியல் ஆய்வாளர் நம்புவ தாகத் தெரிவித்தார். "காயத்தில் இருந்து மீட்கப்பட்ட மனிதன் வாழ்நாள் முழுவதும் அக்கறையுடன் பராமரிக்கப் பட்டதை பார்க்க முடிகிறது" என்றார் அவர்.

டர்காம் பல்கலைக்கழக தொல் பொருள் ஆய்வாளர் பேராசிரியர் சார் லோட் ராபர்ட்சன் எலும்புகளை ஆய்வு செய்தார். பின்னர் பேசிய அவர், மருத்துவமும், அறுவை சிகிச் சையும் மிக தாமதமாக வந்தது என்ற கருத்துக்கு இந்தக் கண்டுபிடிப்பு சவால் விடுவதாகத் தெரிவித்தார்.

நமது முன்னோர்களை நாம் குறை வாக மதிப்பிட முடியாது என்று கூறிய சார்லோட் ராபர்ட்சன், உடல் உறுப்பு களை வெட்டி அறுவை சிகிச்சை செய்ய மனித உடற்கூறியல், அறுவை சிகிச்சை, போதிய தொழில்நுட்பம் மற்றும் விரிவான அறிவு, சுகாதாரம் பற்றிய விழிப்புணர்வு ஆகியவை மிக வும் அவசியம் என்று தெரிவித்தார். "தற்போது உறுப்பு நீக்கும் அறுவைச் சிகிச்சை மிகவும் பாதுகாப்பானது. அறுவை சிகிச்சை செய்யும்போது மயக்க மருந்து தரப்படுகிறது, கிருமி நீக்கப்பட்ட சூழல் இருக்கிறது. ரத்தப் போக்கையும், வலியையும் கட்டுப் படுத்தும் வசதி இருக்கிறது. ஆனால் 31 ஆயிரம் ஆண்டுகளுக்கு முன்பே எந்த வசதியும் இல்லாமல் இந்த சிக்க லான அறுவை சிகிச்சை வெற்றிகரமாக மேற்கொள்ளப்பட்டுள்ளது" என்று பேராசிரியர் சார்லோட் ராபர்ட்சன் குறிப்பிட்டார்.

இந்த அறுவைச் சிகிச்சைக்கு எந்த வகையான கற்கருவிகள் பயன்படுத்தப் பட்டன என்பது பற்றி மலோனியும் அவரது சகாக்களும் ஆய்வு செய்து வருகின்றனர்.

பரிணாமக் கொள்கையில் டார்வினின் முன்னோடி

   July 30, 2022 • Viduthalai

7ஆம் நூற்றாண்டின் புகழ்பெற்ற பிரெஞ்சு சிந்தனையாளர்களில் முதலிடம் பெறுபவர் டெஸ்கார்ட்டஸ். 1596-ஆம் ஆண்டு மார்ச் 31 பிறந்த இவர் 1650-ஆம் ஆண்டு பிப்ரவரி 11 மறைந்தார். கத் தோலிக்கராகப் பிறந்த இவர் இயேசு சபை பாதிரியார்களின் பராமரிப்பில் இருந்து கல்வி கற்றார். அதற்கிணங்க தம் வாழ்நாள் முழுவதும் இவர் ஆசாரமான கத்தோலிக் கராகவே இருந்தார்.

என்றாலும், இவரது சிந்தனை வளம் காரணமாக இவரைப் பழிவாங்கி விட் டார்கள் கத்தோலிக்க இயேசு சபைப் பாதிரி கள். இவர் எழுதிய பிரபலமான நூல்கள் இரண்டும் மதச் சபையினால் தடை செய் யப்பட்டன.  இவர் மரணமடைந்து 20 வரு டங்கள் கழிந்த பின்னரும் கூட இவரது தத்துவமும் கருத்துகளும் எல்லா பிரெஞ்சுப் பல்கலைக் கழகங்களிலும் நுழைய விடாமல் அடக்கி ஒடுக்கப் பட்டன என் றாலும் கூட, சிந்தனையாளர் வட்டாரங் களில் இவரது கருத்துகள் செழிப்பாக வளர்ந்து வந்தன. முற்றிலும் ஆச்சார சீலர்களான பல நூறு பாதிரிகள் இவரது புரட்சிக் கருத்துகளைச் சிரமேற்கொண் டொழுகினர். அவர்களையெல்லாம் இக் கருத்துகளைக் கைவிடும்படி மத மேலிடம் விரட்ட வேண்டியதாகி விட்டது!

உண்மையிலேயே இவர் சீரிய பகுத் தறிவாளர் என்பதில் வரலாற்றாசிரியர்கள் கருத்து வேறுபாடு காட்டவில்லை. ஆனால், இவர் பகுத்தறிவாளராக ஏன் வெளிப்படையாக வாழவில்லை? இக் கேள்விதான் பிரச்சினைக்குரியதாக இருந் தது என்றாலும், இதற்கு நல்ல விளக்கம் பின்னர் கூறப்பட்டு விட்டது இந்த விளக்கம் என்ன?

ஏறத்தாழ இவருக்கு சம காலத்தவராக இருந்தவர் உலகப் புகழ்பெற்ற விஞ்ஞானி கலிலியோ இவரைவிட மூத்தவர். விஞ்ஞான அடிப்படையில் சிந்தித்ததற்கு அவர் பெற்ற பரிசுகள் என்ன என்பது டெஸ் கார்ட்டசுக்கு நன்றாகத் தெரியும். எனவே தான், தம்மையும் அப்படிப்பட்ட சித்திர வதைக்கு ஆளாக்கிக் கொள்ள வேண்டாம் என்பதால்தான் பகிரங்கமான பகுத்தறிவா ளராகத் தம்மைக் காட்டிக் கொள்ளவில்லை.

இவரது வாழ்க்கை வரலாற்றை ஆராய்ந்த பக்கிள் என்ற வரலாற்றாசிரி யரும், ராபர்ட்சன் என்ற வரலாற்றாசிரியரும் இவரைப் பலபடப் புகழ்கின்றார்கள். அய் ரோப்பாவின் அறிவுலகத்தை விடுதலை செய்த மிகப் பெரிய சீர்திருத்தச் செம்மல் என்பதும் நவீன கால விஞ்ஞானத்தையும், தத்துவத்தையும் உண்மையில் நிறுவி யவரே இவர்தான் என்றும் இவருக்குப் புகழ் மாலைகள் சூட்டப்படுகின்றன.

அந்தக் கால கட்டத்தில் மதச் சபைகளின் மூலமாக போப்புகள் மக்கள் மண்டையிலே சுமத்தி வைத்திருந்த தத்துவங்கள் போலி அரிஸ்டாட்டில் தத்துவங்கள் ஆகும். அதோடு பள்ளிக் கூடத்தார் என்ற பெயரி லும் சில போலி சீர்திருத்தக் கருத்துகள் மக்கள் மத்தியில் மதச் சபையால் பரப்பப் பட்டு வந்தன. இவற்றையெல்லாம் எதிர்த்து நின்ற புரட்சியாளர்களுக்கு ஆக்கமும் ஊக்கமும் தந்து உதவியர் டெஸ்கார்ட்டஸ் தான்.

அறிவின் அனுபவத்தை அடிப்படை யாகக் கொண்டே எல்லாக் கருத்துகளையும் ஏற்க வேண்டும் அல்லது தள்ள வேண்டும் சும்மா யாரோ பெரியவர்கள் சொன்னார்கள் என்பதற்காக கண்ணை மூடிக் கொண்டு எதையும் நம்பக் கூடாது என்ற உயரிய தத்துவத்தை இவர் நாசுக்காக பரப்பி வந்தார். 

இந்த வாழ்க்கை முறைத் தத்துவம் அய்ரோப்பா முழுவதும் பரவியது. நான் சிந்திக்கிறேன். எனவே நான் இருக்கிறேன் என்பது இதன் மொழி பெயர்ப்பு. அதாவது மரபு, சாஸ்திரம், வேதம், முன்னோர் நடப்பு என்ற அடிப்படையில் யாரும் எதையும் நம்பக் கூடாது. அவனவன் தனது சொந்த அறிவில் பட்டதை ஆராய்ந்து அதன் படியே வாழவேண்டும் என்பது.

பிரான்சில் அப்போது செல்வாக்குடன் இருந்த மதப்பிரிவினர் தூய்மையாளர்கள் இவர்கள் மத வாழ்க்கையில் மட்டும்தான் தூய்மையாளர்கள் என்பதில்லை. தனி வாழ்க்கையிலும் தூய்மையான சிந்தனை யாளர்கள்; நாகரிக உணர்ச்சி மிக்கவர்கள், எனவே, விஞ்ஞான ரீதியில் அமைந்த டெஸ்கார்ட்டசின் கருத்துகள் இவர்களைக் கவர்ந்ததில் வியப்பில்லை. ஜேன்சனிஸ்ட் கள் எனப்பட்ட இந்த தூய்மையாளர்களை இயேசு சபை பாதிரிகளுக்கு அறவே பிடிக்காது. எனவே, தூய்மையாளர்களின் போற்றுதலுக்கும், பாராட்டுதலுக்கும் இலட்சியமாக விளங்கிய டெஸ்கார்ட்டஸ் மீது பாதிரிகள் பாய்ந்தனர். பிரான்சிலிருந்து டெஸ்கார்ட்டஸ் விரட்டப்பட்டார்.

ஹாலந்துக்குப் போய் குடியேறிய டெஸ்கார்ட்டசுக்கு அங்கும் சரியான சூழ்நிலை இல்லை. எனவே, மறைவதற்கு ஓர் ஆண்டுக்கு முன்பாக சுவீடன் ராணி கிறிஸ்டினா அழைத்தார் என்பதற்காக அந்த நாட்டுக்குப் போனார்.

விஞ்ஞானத்துக்கு டெஸ்கார்ட்டஸ் செய்த தொண்டு மிகவும் இன்றியமையாதது. பரிணாம தத்துவம் பின்னர் டார்வினால் தெளிவாகச் சீரமைக்கப்படுவதற்கு முன் பாக டெஸ்கார்ட்சின் சிந்தனையில் நல்ல வண்ணம் விளக்கம் பெற்றது மிகவும் குறிப்பிடத்தக்கது. உலகம் யாராலோ திடீர் என்று சிருஷ்டி செய்யப்பட்டதல்ல. மாறாக படிப்படியாக இயற்கையினால் உருவாக் கப்பட்டது என்பது இவர் கூறிய கருத்து.

அடுத்து உடற்கூறு பற்றிய கருத்து. உடற்கூறு என்பது ஏதோ மாயாதத்துவம் அல்ல; மாறாக மனித உயிர் என்பது இயந் திர சாதன பாணியில் இயங்கும் ஒன்றே என்று உறுதியாகக் கூறினார். இவைதான் அய்ரோப்பாக் கண்டத்தின் நவீனகால விஞ்ஞான ஆராய்ச்சிகளுக்கு அடிப்படை யானவை என்று கருதப்படுகிறது.

கனடாவில் மம்மூத் வகை குட்டி யானையின் உடல் கண்டெடுப்பு

    July 02, 2022 • Viduthalai

கனடாவின் வடக்கே உள்ள க்ளோண் டிக் தங்க வயல்களில் உள்ள சுரங்கத் தொழிலாளர்கள் ஒரு அரிய வகை குட்டி மம்மூத்தின் உடலை கண்டெடுத்துள்ள னர். இந்த மம்மூத்திற்கு அந்த ஊர் மக்கள் Tr'ondek Hwech'in First Nation  என்று பெயரிட்டனர், அதாவது "பெரிய குழந்தை விலங்கு" என்று பெயர்

மம்மூத்கள் என்பவை இப்போதுள்ள யானைகளின் மூதாதைகள் என்கின்ற னர்,  வரலாற்று ஆய்வாளர்கள். இந்த வகை யானைகள் பனியுகத்தில் வாழ்ந் தவை. இப்போது உள்ள யானைகள் போல் அல்லாமல் மம்மூத் வகை யானை கள் உருவத்தில் மிகப்பெரியதாகவும் மிக நீண்ட தந்தங்களும் உடையவை. இப் போது கண்டுபிடிக்கப்பட்டுள்ள இந்த குட்டி மம்மூத் வகை யானைகள், பனியுகத் தில் வாழ்ந்தவை. பனிக்காலம் என்பதால் குளிரை தாங்கும் வண்ணம் இதன் உடலில் கம்பளி போன்ற ரோமங் கள் காணப் படுகின்றன.

மம்மூத்களின் உடல் முழுவதும் அடர்த்தியான உரோமங்களால் போர்த் தப்பட்டிருந்த காரணத்தால் இவை கம் பளி யானைகள் என அழைக்கப்பட்டன. இப்போது கண்டுபிடிக்கப்பட்டுள்ள மம் மூத்தானது அமெரிக்காவின் அலாஸ்கா மாநிலத்தின் எல்லையான கனடாவின் யூகோன் பிரதேசத்தில் உள்ள டாசன் நகருக்கு அருகே அகழ்வாராய்ச்சி யின்போது குழந்தை மம்மூத்தின் எச் சங்கள் கண்டுபிடிக்கப்பட்டன.

30,000 ஆண்டுகளுக்கு முன்பு இந்த கம்பளி வகை மம்மூத்களும் இதனுடன் வேறு விலங்குகளான குதிரைகள், சிங்கங் கள் மற்றும் காட்டெருமைகளும் இருந்து உள்ளன என்று தெரிவிக்கின்றன. இந்த மம்மூத் வகை யானை பெண் என்று சொல்கின்றனர். 30,000 ஆண்டுகளுக்கு முன்பு, பனி யுகத்தின்போது இறந்திருக் கலாம் என்ற தகவல் வெளியாகி யுள் ளது. 1948ஆம் ஆண்டு அலாஸ்காவின் உட் புறத்தில் உள்ள ஒரு தங்கச் சுரங்கத்தில் “எஃபி” என்ற பெயருடைய ஒரு பகுதி மம்மூத் ஒன்று கண்டுபிடிக்கப்பட்டது குறிப்பிடத்தக்கது.

நெப்டியூன் மற்றும் யுரேனஸ் ஏன் வெவ்வேறு நிறங்களில் இருக்கின்றன?

   July 02, 2022 • Viduthalai

யுரேனஸைச் சுற்றியுள்ள மூடுபனி நெப்டியூனைச் சுற்றியுள்ளதை விட தடிமனாக இருப்பதை மாதிரி காட்டுகிறது.

நெப்டியூன் மற்றும் யுரேனஸ் கோள்கள் மிகவும் பொதுவானவை - அவை ஒரே மாதிரியான நிறைகள், அளவுகள் மற்றும் வளிமண்டல அமைப்புகளைக் கொண்டுள்ளன - இருப்பினும் அவற்றின் தோற்றம் வெவ்வேறு நீல நிறங்களில் இருக்கும். காணக்கூடிய அலைநீளங்களில் (visible wavelength),  நெப்டியூன் ஒரு செழுமையான, ஆழமான நீல நிறத்திலும், அதே சமயம் யுரேனஸ் வெளிர்மையான நிறத்திலும் இருக்கும்.

இரண்டு கிரகங்களும் ஏன் வெவ்வேறு நிறத்தில் உள்ளன என்பதற்கான விளக்கத்தை வானியலாளர்கள் இப்போது பெற்றுள்ளனர்.

ஒப்பிடுவதற்கு ஒத்த தரவு இல்லாதது தான், இந்த வேறுபாடு இதுவரை விளக்கப்படாததற்கு காரணம். ஒவ்வொரு கிரகத்தின் ஸ்பெக்ட்ரம் பற்றிய முந்தைய ஆய்வுகள் தனிப்பட்ட அலைநீளப் பகுதிகளில் (individual wavelength regions)  கவனம் செலுத்தியது.

புதிய ஒப்பீட்டில், NASA/ESA ஹப்பிள் ஸ்பேஸ் டெலஸ்கோப் உடன், ஜெமினி நார்த் டெலஸ்கோப் மற்றும் நாசா இன்ஃபிராரெட் டெலஸ்கோப் வசதி ஆகிய வற்றிலிருந்து, இரண்டு கோள்களின் அவதானிப்புகளு டன் பொருந்தக்கூடிய ஒரு வளிமண்டல மாதிரியை ஆராய்ச்சியாளர்கள் உருவாக்கியுள்ளனர்.

யுரேனஸைச் சுற்றியுள்ள மூடுபனி நெப்டியூனைச் சுற்றியுள்ளதை விட தடிமனாக இருப்பதை மாதிரி காட்டு கிறது என்று ஆராய்ச்சியாளர்கள், ஜர்னல் ஆஃப் ஜியோ பிசிகல் ரிசர்ச்: பிளானட்ஸில் தெரிவித்தனர்.

யுரேனஸின் தேங்கி நிற்கும், மந்தமான வளிமண்டலம் அதை, நெப்டியூனை விட இலகுவான நிறத்தில் காட்டு கிறது. நெப்டியூன் மற்றும் யுரேனஸின் வளிமண்டலங்களில் மூடுபனி இல்லை என்றால், இரண்டும் (அவற்றின் வளி மண்டலத்தில் சிதறிய நீல ஒளியின் விளைவாக) கிட்டத் தட்ட ஒரே மாதிரியான நீல நிறத்தில் தோன்றும்.

இந்த முடிவுக்கு வழிவகுக்கும் மாதிரியானது, நெப்டியூன் மற்றும் யுரேனஸின் வளிமண்டலத்தில் உள்ள மூன்று ஏரோசல் அடுக்குகளை விவரிக்கிறது. வண்ணங் களைப் பாதிக்கும் முக்கிய அடுக்கு நடுத்தர அடுக்கு ஆகும், இது நெப்டியூனை விட யுரேனஸில் தடிமனாக இருக்கும் மூடுபனி துகள்களின் அடுக்கு ஆகும்.

இரண்டு கோள்களிலும், மீத்தேன் பனி’ இந்த அடுக்கில் உள்ள துகள்கள் மீது ஒடுங்கி, துகள்களை வளிமண்டலத் தில் ஆழமாக இழுக்கிறது. யுரேனஸை விட நெப்டியூன் மிகவும் சுறுசுறுப்பான, கொந்தளிப்பான வளிமண்டலத் தைக் கொண்டிருப்பதால், நெப்டியூனின் வளிமண்டலம் மீத்தேன் துகள்களை மூடுபனி அடுக்காக மாற்றுவதில் மிகவும் திறமையானது என்று குழு நம்புகிறது. இது அதிகமான மூடுபனியை நீக்குகிறது மற்றும் நெப்டியூனின் மூடுபனி அடுக்கை யுரேனஸில் இருப்பதை விட மெல்லிய தாக வைத்திருக்கிறது, இதன் விளைவாக நெப்டியூனின் நீல நிறம் வலுவாக இருக்கும்.

பெருவெளியில் 13 பில்லியன் ஆண்டு தொலைவில் உள்ள பால்வெளி மண்டலங்களின் பிறப்பிடம் இங்கே!! ‘முப்பத்து முக்கோடி தேவர்கள் எங்கே?’

  July 16, 2022 • Viduthalai

பெருவெளியின் தோற்றத்தைத் தேடி  விண்ணில் ஜேம்ஸ் வெப் ஸ்பேஸ் தொலைநோக்கி. ஏவப்பட்டது  நீண்ட பயணத்திற்குப் பிறகு அதன் இலக்கை சென்றடைந்திருக்கிறது. சுமார் 70 ஆயிரம் கோடி ரூபாய் செலவில் உருவாக்கப்பட்ட, 6 ஆயிரம் கிலோ எடையுள்ள இந்த ஜேம்ஸ் வெப் ஸ்பேஸ் தொலைநோக்கி (JWST)  சுற்றுவட்டப்பாதையில் பூமியை போன்றே சூரியனை சுற்றிவரும்.

 இந்தத் தொலைநோக்கியானது நான்கு முக்கிய கருவிகளைக் கொண்டுள்ளது. அவை Near Infrared Camera, Mid Infrared Instrument, Fine Guidance Sensor)  மற்றும் இரண்டு Near InfraRed Spectrograph. இந்தக் கருவிகள் செயல்படுத்தப்பட்டபிறகு ஆய்வாளர்களும் மென்பொறியாளர்கள் கொண்ட குழுவும் அதன் திறன்களை முதலில் சோதித்து இதனை முழு வீச்சில் செயல்படவைத்தனர். பெருவெளியின் புதிர்களை வெளிக்கொண்டிருக்கும் இந்த அபார பயணத்தில் இன்னும் ஒரு முக்கிய படியை கடந்துள்ளோம். இந்தத் தொலைநோக்கிமூலம்  பெருவெளியின் புதிய காட்சிகள் தற்போது வெளியாகி உள்ளது.

பேரண்டத்தின் குழந்தைப் பருவத்தைக் காட்டும் வகையில், இதுவரை இல்லாத தெளிவோடு, துல்லியமான ஒரு ஒளிப்படத்தை வெளியிட்டுள்ளது அமெரிக்காவின் ஜேம்ஸ் வெப் விண்வெளி தொலைநோக்கி. அமெரிக்க விண்வெளி ஆய்வு நிறுவனமான நாசா, அய்ரோப்பிய விண்வெளி முகமையான இ.எஸ்.ஏ., கனடா விண்வெளி முகமையான சி.எஸ்.ஏ. ஆகியவை சேர்ந்து உருவாக்கிய இந்த தொலை நோக்கி கடந்த ஆண்டு டிசம்பர் 25ஆம் தேதி விண்ணில் ஏவப்பட்டது.

‘விண்வெளியில் உள்ள புவியின் கண்’ என்று வருணிக்கப்படும் ஹபிள் விண்வெளி தொலைநோக்கியின் ஆயுள் முடிவை நெருங்கி வரும் நிலையில், ஜேம்ஸ் வெப் அதன் வாரிசாக இருக்கும் என்று கருதப்படுகிறது. 10 பில்லியன் அமெரிக்க டாலர் (இந்திய மதிப்பில் சுமார் 75 ஆயிரம் கோடி ரூபாய்) செலவில் ஜேம்ஸ் வெப் தொலைநோக்கி உருவாக்கப்பட்டுள்ளது இந்நிலையில், விண்வெளியில் ஜேம்ஸ் வெப் எடுத்த முழு வண்ணப் ஒளிப்படங்களை  அமெரிக்க அதிபர் மூலம் நாசா வெளியிட்டுள்ளது.

விண்வெளியில் தொலைதூர உடுத் திரள்களை (விண்மீன் கூட்டங்களின் தொகுப்பு) படம் எடுப்பது என்பது கேமிராவை ஆன் செய்து, கிளிக் செய்வது போல சில விநாடி வேலை அல்ல. பெருவெளியில் தொலைதூரத்தைப் பார்ப்பதில் சிக்கல் என்னவென்றால், பெருவெளியின் தூசிப்படலம் ஒரு குறிப்பிட்ட தூரத்துக்கு மேல் பார்க்க முடியாதபடி காட்சியை மறைத்துவிடும். எனவே எக்ஸ்ரே, அகச்சிவப்புக் கதிர்கள் போன்றவற்றைப் பயன்படுத்தி அதிநவீன கருவிகளின் உதவியோடு தரவுகளைத் திரட்டி அவற்றைப் படமாக தொகுத்தே வழங்குவார்கள்

இப்படி பேரண்டத்தை காட்சிப் படுத்தி இதுவரை எடுக்கப்பட்ட படங்களில் இதுவரை இல்லாத அளவு ஆழத்தோடும், தெளிவோடும் அமைந்திருப்பதுதான் ஜேம்ஸ் வெப் தொலைநோக்கி வெளியிட்ட முதல் படத்தின் சிறப்பு என்கிறது நாசா.

பெரு வெடிப்பின் மூலமாக 13.8 பில்லியன் (1380 கோடி) ஆண்டுகள் முன்பு இந்தப் பெருவெளி உருவானது என்று கணிக்கிறார்கள் அறிவியலாளர்கள். பிறந்து 600 மில்லியன் ஆண்டுகள் மட்டுமே ஆனபோது பெருவெளியின் குறிப்பிட்ட பகுதி எப்படி இருந்தது என்பதைத்தான் ஜேம்ஸ் வெப் தொலைநோக்கியின் முதல் படம் காட்டுகிறது. இதைவிட சுவையான விபரம் என்னவென்றால் இந்தப் படம் எப்படி எடுக்கப்பட்டது என்ற விவரம்தான். ஜேம்ஸ் வெப் படத்தை பார்த்தீர்களா. அதில் உள்ள ஒவ்வொரு ஒளிப்புள்ளியும் ஒரு உடுத்திரள் ஆகும். விண்மீன்களை தமிழில் உடு என்று அழைக்கிறோம். உடுக்கள் கூட்டமாக இருப்பதே உடுத்திரள். நமது சூரியன் இடம் பெற்றுள்ள உடுத்திரளின் பெயர்தான் பால்வெளி மண்டலம்.

இப்படி பல உடுத்திரள்கள் சேர்ந்த கூட்டத்தை ஆங்கிலத்தில் கிளஸ்டர் ஆஃப் கேலக்சிஸ் என்கிறார்கள். நாம் இதை உடுத்திரள் கூட்டம் என்று அழைக்கலாம். ஜேம்ஸ் வெப் வெளியிட்டுள்ள இந்த வரலாற்றுச் சிறப்பு மிக்க புகைப்படம் காட்டுவது SMACS 0723 என்று பெயரிடப்பட்ட ஒரு உடுத்திரள் கூட்டம்தான்.

உண்மையில் இந்த உடுத்திரள் கூட்டம் 4.6 பில்லியன் ஒளியாண்டு தூரத்தில் உள்ள காட்சியைத்தான் இந்தப் படம் காட்டுகிறது. ஆனால், இந்த உடுத்திரள் கூட்டம் பின்னணியில் அதைத்தாண்டி நெடுந்தொலைவில் உள்ள உடுத்திரள்களின் ஒளியை வளைத்தும் பெரிதுபடுத்தியும் காட்டுகிறது. இதற்கு ஈர்ப்பு விளைவு என்று பெயர். நமது சாதாரண கேமிராவில் ஜும் லென்ஸ் எப்படி தொலைதூரக் காட்சியை இழுத்து பெரிது படுத்திக் காட்டுமோ அப்படி, நடுவழியில் உள்ள உடுக்களின், உடுத் திரள்களின் ஒளி விண்வெளி தொலைநோக்கிக்கு ஜும் லென்ஸ் போல செயல்பட்டு அதைவிட நெடுந்தொலைவில் உள்ள காட்சியை காண உதவி செய்வதே ஈர்ப்பு விளைவு எனப்படுகிறது.

இப்படி இந்த ஈர்ப்பு விளைவின் உதவியோடு ஜேம்ஸ் வெப் தொலைநோக்கி எடுத்த இந்தப் படத்தின் பின்னணியில் உள்ள, மிக நெடுந்தொலைவில் உள்ள உடுத்திரளின் ஒளி, இந்தப் பெருவெளி தோன்றி வெறும் 600 மில்லியன் ஆண்டுகளே ஆகியிருந்தபோது பிறந்தது ஆகும். அதாவது பேரண்டம் குழந்தைப் பருவத்தில் இருந்தபோது இந்த உடுத்திரள் எப்படி இருந்தது என்பதை இது காட்டுகிறது.

இந்த தொலைவு என்பது இதுவரை காட்சிப் படுத்தப்படாத தொலைவு என்பதுதான் இந்தப் படம் வரலாற்று முக்கியத்துவம் பெறக்காரணம். இதுவரை எடுக்கப்பட்ட பேரண்டத்தின் ஒளிப்படங்களிலேயே, மிகவும் ஆழமான, விரிவான விவரங்களுடன் கூடிய அகச்சிவப்பு கோணமாக இந்த படம் இருக்கலாம் என்று கூறப்படுகிறது

தரையில் கைக்கெட்டும் தொலைவில் கிடக்கும் ஒரு மணல் துகளை கற்பனை செய்துகொள்ளுங்கள். வானத்தில் அந்த மணல் துகள் அளவுக்கான இடத்தை படம் பிடித்தபோதுதான், நீங்கள் மேலே பார்த்த எண்ணிலடங்கா உடுக்களை கொண்ட பல உடுத்திரள்கள் தெரிகின்றன. இது போன்ற ஆழமான புலத்தை காட்சிப் படுத்துவதற்கு ஹபிள் தொலைநோக்கி பல வாரங்களுக்கு விண்வெளியை உற்றுநோக்க வேண்டியிருக்கும். ஆனால், ஜேம்ஸ் வெப் 12.5 மணி நேரம் மட்டுமே விண்வெளியை உற்றுநோக்கி இந்தப் ஒளிப்படத்தை உருவாக்கியுள்ளது.

 இந்தப்படங்கள் மேலும் தொலைவாகப் பயணித்து 13.5 பில்லியன் ஆண்டு தொலைவுக்கு சென்று பார்த்துள்ளது. நமதுபெருவெளி பிறந்ததே 13.8 பில்லியன் ஆண்டுகள் முன்புதான் என்பதைக் கணக்கில் கொண்டால் இந்தப்பெருவெளியின் தொடக்க காலத்துக்கு அருகே செல்வதற்கு ஒப்பானது. 

வெள்ளை மாளிகையில், அமெரிக்க அதிபர் ஜோ பைடனுக்கு இந்தப் படம் காண்பிக்கப்பட்டது. 

இதுகுறித்து பேசிய ஜோ பைடன், “அமெரிக்கா பெரிய விஷயங்களைச் செய்ய முடியும் என்பதை இந்த படங்கள் உலகுக்கு நினைவூட்டுகின்றன, மேலும் அமெரிக்க மக்களுக்கு - குறிப்பாக எங்கள் குழந்தைகளுக்கு - எங்கள் திறனைத் தாண்டி எதுவும் இல்லை என்பதை நினைவூட்டுகின்றன” என்று குறிப்பிட்டார். தொடர்ந்து பேசிய அவர், “இதுவரை யாரும் பார்த்திராத சாத்தியக்கூறுகளை நம்மால் பார்க்க முடிகிரது. இதுவரை யாரும் எட்டாத இடங்களையும் நம்மால் எட்ட முடியும்“ என்றும் பேசினார்.

 1600 களில் முதல் முதலாக இத்தாலியைச் சேர்ந்த கலிலியோ கலீலி என்ற கணிதம் மற்றும் வான் இயற்பியலாளர் சிறிய ரக தொலைநோக்கியைக் கண்டுபிடித்தார். இதன் மூலம் வானத்தைக் கண்டார். அவரது பார்வையிலிருந்துதான் வானத்தைப் பார்க்க நாம் துவங்கினோம். 

 அதுவரை மேலே சொர்க்கம், கீழே நரகம் என்ற மதக்கோட்பாட்டை உலகம்முழுவதிலும் நம்பி வந்தனர். ஹிந்துமதத்திலோ விண்வெளியைப் பற்றிய மூடநம்பிக்கைகள் மேலும் டன் கணக்கில் குப்பைகளாகக் குவிந்து கிடக்கிறது. 

 இவர் விண்வெளியை பார்த்த பிறகுதான் அதன் தொடர்ச்சியாக அறிவியல் வளர வளர பல தொலைநோக்கிகள் உருவாகி முதலில் நமது சூரியக்குடும்பம், அதனைத்தொடர்ந்து  பால்வெளி எனத்தொடர்ந்து பிளாக்ஹோல் எனப்படும் ஒளியை உள்ளிளுக்கும் கருப்பு விண்மீன்கள் என பல நூறு கோடி ஒளியாண்டு தொலைவில் உள்ளவைகள் அனைத்துமே நமது பார்வைக்குத் தெரியவந்தது.  தற்போது இதுவரை கணக்கியல் ரீதியில் உறுதிசெய்யப்பட்டு இப்படி இருக்கும் என்று கற்பனைப்படமாக வரையப்பட்ட விண்மீன் திரள்களின் பிறப்பிடமும் துவக்கமுமான பெருவெளியின் ஒளித்திரள்களை நமது பார்வைக்கு அறிவியல் கொண்டு வந்துவிட்டது, ஆனால் இப்போதுவரை இன்றும் ஹிந்த்துத்துவவாதிகள் சொல்லிக் கொண்டு இருக்கும் முப்பத்து முக்கோடி தேவர்களைத்தான் காணோம்.

 கடவுளர்கள் எங்கே?

ஜேம்ஸ் வெப் டெலஸ்கோப் மூலம் அறிவியல் வானில் ஆழ துழாவுகிறது.

அங்கே  கடவுள்கள், சொர்க்கம், நரகம், தேவலோகம், படைப்பு தளம், என்று எதுவும் இல்லை.

மனிதன் உருவான பிறகே மனிதனால்  கடவுள்  என்ற கருத்து,உருவாக்கப்பட்டது. அது அவர்களின் சுரண்டலை மறைக்க, எதிர்ப்பை குறைக்க, உழைக்காமல் வாழ, இது போன்ற பல நன்மைகளை அவர்களுக்கு  செய்கிறது. அதனால் தான் அவர்கள் அதை தொடர்ந்து பொய் பிரச்சாரம் செய்து நம்மை நம்ப வைத்துவிட்டார்கள்.

அவர்களுக்கு நாம் கடவுள் இல்லை,மதம் இல்லை, ஜாதி இல்லை, என்று வேறு வார்த்தைகளால் கூறுவதால் அவர்களுக்கும் எந்த கவலையும் இல்லை.ஆனால் நாம்  நடைமுறையில் உள்ள ஜாதி மத சடங்குகளை ந வேரோடு பிடுங்கி ஏறிய  முற்படும் போதுதான் அவர்களுக்கு உண்மையான பிரச்சினை.

ஆகவே வெறும்  இந்துத்துவ  மத பாசிதத்தை மட்டும் எதிர்க்க கூடாது. இவைகளை தாங்கும் அடிதளத்தையும் வீழ்த்த வேண்டும்.(இது உள்நாட்டு வெளிநாட்டு முதலாளிகளின், ஏகாதிபத்தியவாதிகளின் உழைப்பு சுரண்டல், இயற்கை வள கொள்ளை, வங்கி நிதி கொள்கை, பங்கு சந்தை வழியாக கொள்ளை, ஒப்பந்தக் கொள்ளை,என அனைத்தையும் ஆதரிக்கிறது.முதன்மை சுரண்டல் வடிவத்தை பாதுகாக்கும் அல்லது நம்மை திசை திருப்பும் ஆயுதமே இந்த பாசிச வடிவம்.)

ஆக நாம் அனைவரும் இந்துத்துவ பாசிச அதிகாரத்தையும், உள்நாட்டு தரகு அதிகார முதலாளிகளையும், வெளிநாட்டு ஏகாதிபத்தியத்தையும், எதிர்த்து வீழ்த்த வேண்டும்.

அதற்கு நமது அகநிலையான  அமைப்பு உழைக்கும் மக்களை (தொழிலாளர்கள்,விவசாயிகள், இன்னபிற) கொண்டு கட்டப்பட வேண்டும்.

அப்பொழுது தான்  நாம் எதிரியை வீழ்த்த முடியும்.

இல்லை என்றால் தற்போதைய இலங்கை போன்ற நிலை வந்தாலும் நாம் எதுவும் செய்ய முடியாது என்பதே உண்மை.

ஆகவே நாம் எதார்த்தத்தை உணர்ந்து அதனடிப்படையில் செயல்படவேண்டும் என்றும் மேலே சொன்னவாறு கட்சி கட்டபடவேண்டும் என்பதும் நமது அவசிய. அவசரமான நிலையாகும் .

நிலவில் காலடி எடுத்து வைத்த இணையற்ற நாள்(ஜூலை 21)

இந்நாள் : நிலவில் காலடி எடுத்து வைத்த இணையற்ற நாள்(ஜூலை 21)

நிலவில் முதன்முதலில் கால் வைத்தவர் யார்? இந் தக் கேள்விக்கு யாராயிருந் தாலும் உடனே பதில் சொல்லிவிடுவீர்கள், நீல் ஆம்ஸ்ட்ராங் என்று. நிலவில் முதன்முதலில் கால் வைத்திருக்க வேண் டியவர் யார் தெரியுமா? பல பேருக்கு தெரியாது. அவர், எட்வின் சி ஆல்ட் ரின். அவர்தான் நிலவுக்கு சென்ற அப்பல்லோ விண் கலத்தின் பைலட். ஆல்ட் ரின் அமெரிக்காவின் விமானப் படையில் பணி புரிந்தவர். மேலும் விண் நடை அனுபவம் உள்ள வர். அதனால் அவர் பைலட்டாக நியமிக்கப் பட்டார். நீல் ஆம்ஸ்ட் ராங்க் அமெரிக்காவின் கப்பல் படையில் வேலை பார்த்தவர். மிகுந்த தைரியசாலி என்பதால்தான் இந்த பயணத்திற்கு தேர்ந்தெடுக் கப்பட்டார். அவர் கோ-பைலட். இவர்கள் சென்ற அப்பல்லோ விண்கலம் நிலவை அடைந்ததும் நாசாவிலிருந்து பைலட் பர்ஸ்ட் என்று கட்டளை பிறப்பிக்கப்பட்டது. ஆனால், ஆல்ட்ரினுக்கோ மனதில் சின்ன தயக்கம். இடது காலை எடுத்து வைப்பதா? வலது காலை எடுத்து வைப்பதா? என்றல்ல. நிலவில் முதன் முதலில் கால் எடுத்து வைக்கிறோம். புவியீர்ப்பு விசையற்ற இடத்தில் இருக்கிறோம். கால் வைக்கும் இடம் எப்படி இருக்கும் என்று தெரி யாது. புதை மணலாக இருந்து உள்ளே இழுத்து விட்டால், எரி மணலாக இருந்து காலை சுட்டு விட்டால் தயக்கத்தில் மணிக்கணக்காக தாம திக்கவில்லை. சில நொடி கள்தான் தாமதித்திருப் பார். அதற்குள் நாசாவில் இருந்து இரண்டாவது கட்டளை பிறப்பிக்கப் பட்டது. கோ பைலட் நெக்ஸ்ட். நீல் ஆம்ஸ்ட் ராங் கட்டளை வந்த அடுத்த நொடி காலடி எடுத்துவைத்தார்.

உலக வரலாறு, ஒரு நொடி தயக்கத்தில் மாற்றி எழுதப்பட்டது. திறமை யும் தகுதியும் இருந்தும் கூட தயக்கத்தின் காரண மாக தாமதித்ததால் இன்று ஆல்ட்ரினை யாருக்கும் தெரியவில்லை.முதலாவது வருபவரைத்தான் இந்த உலகம் நினைவில் வைத் திருக்கும் என்பது மட்டு மல்ல. தயக்கம், பயம் இவை எந்த அளவுக்கு நம் வெற்றியை பாதிக்கும் என்பதற்கு இதுவே உதா ரணம்.

இனி நிலவை பார்க் கும்போதெல்லாம் இந்தச் சம்பவத்தை நினைவில் வைத்துக் கொள்ளுங்கள். ஒரு நிமிடத் தயக்கம் நம்முடைய மிகப் பெரிய வெற்றிகளைத் தடுத்து விடுகிறது. நாம் எல்லோ ருமே மிகப்பெரும் சாத னைகளை படைக்கிற வல் லமை உடையவர்கள்தான். நம்முடைய தயக்கம், பயம், கூச்சம் இவைதான் நம் முதல் எதிரி.

பஸ் ஆல்ட்ரின் வாழ்க்கைக் குறிப்பு:

பஸ் ஆல்ட்ரின் (Buzz Aldrin (இயற்பெயர் எட் வின் யூஜின் ஆல்ட்ரின், Edwin Eugene Aldrin, Jr., பிறப்பு: ஜனவரி 20, 1930) என்பவர் அமெரிக்க விண் வெளி வீரரும் விமானியும் ஆவார். இவர் முதன் முதலாக மனிதரை சந்திர னில் ஏற்றிச் சென்ற அப் பல்லோ 11 விண்கலத்தில் நீல் ஆம்ஸ்ட்ரோங் உடன் பயணம் செய்து சந்திர னில் இறங்கிய இரண்டா வது மனிதர் என்ற பெரு மையைப் பெற்றார். விஞ்ஞானப் பட்டதாரி யான ஆல்ட்ரின் 1951'இல் அமெரிக்க வான்படையில் இணைந்தார். கொரியப் போரில் போர் விமானி யாகப் பங்கு ஆற்றினார். பின்னர் மசாசுசெட்ஸ் தொழிநுட்பக் கல்லூரி யில் வானியலில் முனை வர் பட்டம் பெற்றார். மீண்டும் அமெரிக்க வான் படையில் இணைந்து பணியாற்றினார். அக்டோ பர் 1963'இல் நாசாவினால் விண்வெளிப் பயிற்சியில் இணைந்தார். ஜெமினி 12 விண்கலத்தில் செல்வ தற்குத் தேர்ந்தெடுக்கப் பட்டார்.

ஜூலை 16, 1969'இல் அப்பல்லோ11 விண்கலத் தில் நீல் ஆம்ஸ்ட்ரோங் உடன் சந்திரனை நோக் கிய பயணத்தை ஆரம்பித் தார். சரியாக 02:56 UTC ஜூலை 21(இரவு 10:56 ணிஞிஜி, ஜூலை 20), 1969 இல், ஆம்ஸ்ட்ராங் சந்திர னில் கால் பதித்தார். ஆல்ட்ரின் அவரைப் பின்தொடர்ந்தார். பஸ்" (Buzz) என்ற பெயரிலேயே அவர் பிறப்பில் இருந்து அழைக்கப்பட்டு வந்தார். 1988'இல் இவர் தனது பெயரை "பஸ் ஆல்ட்ரின்" என அதிகாரபூர்வமாக மாற்றிக் கொண்டார்.

உலகின் மிகப் பெரிய தாவரம் கண்டுபிடிப்பு!

  June 16, 2022 • Viduthalai

ஆஸ்திரேலிய விஞ்ஞானிகள் கடலடியில் முளைத்து செழிக்கும் கடற்புல் தாவரத்தை ஆராய்ந்து வந்தனர்.

தெற்கு ஆஸ்திரேலிய கடற்பகுதியில், கடலின் ஆழத்தில் பல சதுர கி.மீ வளர்ந்து நிற்கும் ஒரு வகை புல் புதரின் பல்வேறு பகுதிகளை மாதிரி எடுத்து, மரபணு சோதனை செய்தனர். அபோது தான் அந்த அரிய உண்மை தெரிந்தது.

ஷார்க் வளைகுடா பகுதி என்ற பகுதியில், 200 சதுர கி.மீ., அளவுக்கு கடற்புல் வெளியாக படர்ந்திருக்கும் அத்தனை புல்லுமே, ஒரே விதையிலிருந்து முளைத்தவை. இதனால் தான், உலகின் மிகப் பெரிய தாவரம் என்று விஞ்ஞானிகள் அதை அழைத்தனர். மேலும், இந்த கடற்புல் புதரின் வயது 4,500 ஆண்டுகள் என்பது ஆய்வில் தெரியவந்தது.

கல்லீரலின் வயது எப்போதும் மூன்று!

  June 16, 2022 • Viduthalai

வேகமாக செல்களை புதுப்பித்துக் கொள்ளக் கூடியது கல்லீரல். இருந்தாலும், வயதானால், புதுப்பிக்கும் திறன் குறையும் என்றே மருத்துவர்கள் கருதினர்.

ஆனால், ஜெர்மனியில் நடந்த ஒரு ஆய்வின்படி, உங்கள் வயது இருபதோ, எண்பதோ எதுவானாலும், உங்கள் கல்லீரலின் வயது மூன்று தான் என்று தெரியவந்துள்ளது!ஜெர்மனியின் டிரெஸ்டனிலுள்ள டெக்னிஷ் பல்கலைக்கழக விஞ்ஞானிகள், புதிய வழியில் இந்த விடையை கண்டனர்.

கடந்த 1950களில் அணுகுண்டு சோதனைக்குப் பின், கதிரியக்க நச்சு பரவி, பலரது செல்களுக்குள் புகுந்தது. அப்போது வாழ்ந்து மறைந்தோரின் கல்லீரல்களை, விஞ்ஞானிகள் ஆராய்ந்தனர். ஆய்வில், 20 முதல் 80 வரை வயதுள்ள பலரது கல்லீரல் செல்களுக்கு வயது 3 ஆண்டுகளாக இருந்தன. இதனால், பெரும்பாலானோரின் கல்லீரல் செல்கள், மூன்று ஆண்டுகள் இருந்து, சிதைவதாக விஞ்ஞானிகள் கணக்கிட்டனர்.

மனித உடலில் உள்ள பலவித நச்சுக்களை பிரித்தெடுப்பது தான் கல்லீரலின் பணி. இருந்தாலும், அது வேகமாக செல்களைப் புதுப்பித்துக் கொள்வதன் மூலம், நச்சுக்களின் தாக்குதலை சமாளிக்கிறது. இந்தத் திறன் இருப்பதால் தான், மது, புகை, என்று உட்கொள்ளும் பலரால் உயிரோடு நடமாட முடிகிறது.

பூமிக்குத் தண்ணீர் வந்த வழி

 

  February 05, 2022 • Viduthalai

நமது பால்வெளி மண்டலத்தில் உயிர் உள்ள ஒரே கோளாக நமது பூமி மட்டுமே திகழ்கிறது. இந்த பூமிக் கோளின் சிறப்பே இதில் உயிர்கள் உள்ளது என்று பலர் கூறினாலும்,உண்மையில் எந்த கோளிலும் இல்லாத ஒரு சிறந்த பொருளை இந்த பூமி கொண்டுள்ளது. அது தான் தண்ணீர். தண்ணீர் இருந்தால் மட்டுமே அந்தக் கோளில் உயிர்கள் உருவாகவும், உயிர் வாழவும் முடியும் என்பதே மறுக்க முடியாத உண்மையாகும்.

இதனால் தான் நமது பூமி சிறப்பானதாக இருக்கிறது. சரி, பூமி எப்படி உருவாகியது என்பது தெரியும். ஆனால், பூமியில் தண்ணீர் எப்படி உருவாகியது இது குறித்து பல்வேறு கருத்துக்கள் இருந்தாலும் இரண்டு மட்டுமே உறுதியாகி உள்ளன. ஒன்று எரிநட்சத்திரங்களின் மோதல். மற்றொன்று பூமியில் இருந்த வாயுக்கள் வெப்பத்தால் இணைந்து நீராவியாகி பிறகுநீராக மாறியது

ஆனால் இரண்டு கருத்துக்களை அறிவியலாளர்கள் தெளிவுபடுத்தியிருந்தாலும். அது எதுவும் உறுதிசெய்ய முடியாமல் இருந்தது என்பதே உண்மை. ஆனால், நீண்ட நாட்களுக்குப் பிறகு, இப்போது அறிவியலாளர்கள் ஒரு முடிவிற்கு வந்துவிட்டனர். பூமியில் தண்ணீர் எப்படி உருவாகியது என்பதற்கான பின்னணியை தற்பொழுது வெளியிட்டுள்ளனர்.

நமது பால்வெளி மண்டலத்தில் இருக்கும் ஒட்டுமொத்த கோள்களில் பிரமிக்க வைக்கும் கோளாக இதுவரை பூமி திகழ்ந்துவருகிறது. நமது பூமி நீரின் அளவு காரணமாகத் தனித்து நிற்கிறது. பூமி பெரும்பாலும் “தி ப்ளூ பிளானட்” என்று இதனால் தான் குறிப்பிடப்படுகிறது. பூமியில் நீர் உருவாகியதற்குச் சூரியன் முக்கிய காரணமாக இருந்துள்ளது. பூமியின் மேற்பரப்பில் சுமார் 70 சதவீதம் நீரால் ஆனது என்பதை நாம் பள்ளிக்கூடப் பாடங்களில் இருந்தே படித்து வருகிறோம். இந்த 70 சதவீத தண்ணீர் பூமியில் உருவாக முதல் காரணமாகக் கூறப்படுவது கார்பனேசியஸ் அல்லது வெறுமனே “சி-வகை சிறுகோள்கள்” என்று அழைக்கப்படும் சிறுகோள்களின் தாக்குதல் காரணமாக உருவாகியிருக்கலாம் என்று முன்னர் தெரிவிக்கப்பட்டிருந்தது.

இந்த சிறுகோள் குழுவிலிருந்து தான் பூமிக்கு நீர் வந்திருக்க வாய்ப்புள்ளதாக முன்னர் இருந்தே விஞ்ஞானிகள் சந்தேகித்து வருகின்றனர் என்பது குறிப்பிடத்தக்கது. இருப்பினும், இது மட்டும் காரணமாக இருக்க முடியாது என்பதை உணர்ந்த அறிவியலாளர்கள்  தொடர்ந்து பல ஆராய்ச்சிகளை மேற்கொண்டு, பூமியில் தண்ணீர் எப்படி உருவாகியது என்பதை நிரூபிக்க முயன்று வந்தனர். இறுதியாக,  நீர் குறித்த முடிவிற்கு வந்துள்ளனர்.

பூமியின் நீர் டியூட்டீரியத்துடன் இணைக்கப்பட்டிருக்க வேண்டும் என்றும், இது “சி” டைப் சிறுகோள் தாக்குதல் காரணமாக - பூமியில் இருக்கும் நீரின் ஒரே ஆதாரமாக மாறியிருக்க வேண்டும் என்றும் விஞ்ஞானிகள் நம்புகின்றனர். அடிப்படையில் இவை ஹைட்ரஜனின் கனமான பதிப்பாகும் என்பதும் குறிப்பிடத்தக்கது.பூமியில் நீரை உருவாக்குவதில் நமது சூரியன் முக்கிய பங்காற்றியிருக்கலாம் என்ற சந்தேகத்தில் நடத்தப்பட்ட ஆராய்ச்சியின் முடிவுகளால் விஞ்ஞானிகளுக்குச் சாதமான பதில் கிடைத்துள்ளது.

சூரியக் காற்றுகள் ஹைட்ரஜன் மற்றும் ஹீலியம் அயனிகளால் சார்ஜ் செய்யப்படுகின்றன, அவை சிறுகோள்கள் அல்லது சிறுகோள் தூசியுடன் தொடர்பு கொண்டால், காற்றில் உள்ள ஹைட்ரஜன் அயனிகள் சிறுகோளில் உள்ள ஆக்ஸிஜன் அணுக்களுடன் தொடர்புகொண்டு பூமியில் மூலக்கூறை உருவாக்கி இருக்கும் என்பதை இது குறிக்கிறது. பூமியின் பரந்த நீர்நிலைகளில் சூரியனின் பங்குக்கான முதல் சான்று ஜப்பானிய விண்வெளி ஏஜென்சியின் ஹயபுசா விண்வெளி ஆய்வு மூலம் 2010 இல் பூமிக்கு வாங்கப்பட்ட இடோகாவா என்ற சிறுகோள் மாதிரிகளின் அடிப்படையில் உறுதிப்படுத்தப்பட்டது என்பது குறிப்பிடத்தக்கது. இது பூமியில் எப்படி நீர் உருவாகியது என்ற ஆராய்ச்சிக்கு முக்கிய பங்கை வழங்கியது என்பதும் குறிப்பிடத்தக்கது.

நேச்சர் வானியல் இதழில் வெளியிடப்பட்டுள்ள ஒரு ஆய்வறிக்கையில்,

விஞ்ஞானிகள் பூமியில் தண்ணீருக்குப் பங்களிப்பவைகளில் முக்கிய காரணிகளில் ஒன்றாகச் சூரியனை உறுதிப்படுத்தியுள்ளனர் என்பது தெரிவிக்கப்பட்டுள்ளது. சூரியக் காற்றிலிருந்து வரும் ஹைட்ரஜனும் சிறுகோள்களில் இருந்து வெளியான டியூட்டீரியமும் இணைந்து தான் பூமியில் இன்று நாம் உயிர் வாழ முக்கிய காரணமாக அமைந்துள்ள நீரை உருவாக்க முக்கிய முதுகெலும்பாகச் செயல்பட்டுள்ளன என்று அந்த அறிக்கையில் கூறப்பட்டுள்ளது.

நிலவு மண்ணில் தாவரம் வளர்வது வியப்பானதா!

         May 17, 2022 • Viduthalai

நாம் இருக்கும் இந்த புவியில் உயிரினங்களும், தாவர இனங்களும் செழித்து பெருகி இருக்க இயற்கை சூழ்நிலையே காரணமாகும். 

இதில் முதன்மையாக தாவர இனங்கள் வளர்வதற்கு அடிப்படையாக மண் தேவைப்படுகிறது.

புவியில் 118 வகையான தனிமங்களும் மற்றும் அதனால் உண்டான கலவைகளும், சேர்மங்களும் உள்ளன. அதோடு மட்டுமல்லாமல் உயிரினங்களா லும், தாவரங்களாலும் உண்டான கரிம சேர்மங்களும் (அமினோ அமிலங்கள்) உள்ளன. இவற்றிற்கு பொது வான அறிவியல் பெயரும் இடப்பட்டுள்ளன.

இவற்றில் நம் புவியில் உள்ள மண்ணும் ஒரு தனிமம் தான். 

தாவரங்கள் வளர்வதற்கு மண் ஏதுவாக  இருக்கிறது. 

நிலவின் மண்ணை எடுத்து அதில் தாவரங்களை 'நாசா' அறிவியலாளர்கள் வளர்த்து உள்ளதாக ஒரு செய்தி வந்துள்ளது.

உண்மையில் தாவரங்கள் வளர மண் தேவையா?

தாவரங்கள் வளர மண் தேவையில்லை என்பதே உண்மையாகும்.

தாவரங்கள் வளர ஊட்டச்சத்தும் நீரும், காற்றும் சூரிய ஒளியும் மட்டுமே இருந்தாலே போதும். மண் தேவையில்லை.

புவி மண்ணில் மேற்கண்ட அனைத்தும் கிடைப்பதால் தாவரங்கள் செழித்து வளர்கின்றன.

மண்ணில்லா வேளாண்மை (ஹைட்ரோபோனிக்) முறை என்றே ஒரு வேளாண்மை முறை உள்ளது. 

இதில் மண்ணை பயன்படுத்துவதில்லை, பெரும் பான்மையாக நீர் தான் பயன்படுகிறது.

அப்படி இருக்கும்போது நிலவில் இருந்து எடுத்துக்கொண்டு வந்த 'ரெகோலித்' என்ற ஊட்டச் சத்து இல்லாததாக சொல்லக்கூடும் மண்ணில், தாவரத்தை வளர்ப்பதில் வியப்பொன்றுமில்லை.

நிலவில் இருந்து எடுத்துக் கொண்டு வந்த மண்ணில் ஊட்டச்சத்தும் நீரும் விட்டுதான் நாசா அறிவியலாளர்கள்  'அரபிடோப்சிஸ் தலியானா' என்ற கடுகு வகை செடியை வளர்த்து இருப்பதாக சொல்லப்படுகிறது. இதில் எந்த வகையான வியப்புக் குரிய செய்தியும் இருப்பதாக தெரியவில்லை! மண் ஒரு பிடிமானப் பொருள் அவ்வளவுதான்! தாவரங்கள் வளர மண் தேவையில்லை என்பதே உண்மை!

-செ.ர.பார்த்தசாரதி, சென்னை

கொசுக்களுக்கு நிறம் பிரிக்கத் தெரியுமா?

  February 17, 2022 • Viduthalai

மனித வாடையை முகர்ந்துவிட்டால், கொசுக்கள் அருகே வந்து கடிக்கத் தோதான இடம் பார்க்கும். இது அறிவியல்பூர்வமான உண்மை. மனித மூச்சில் உள்ள கார்பன் - டை - ஆக்சைடு வாடைதான் கொசுக்களுக்கு அழைப்பிதழ். ஆனால், தற்போது வாசிங்டன் பல்கலைக்கழக விஞ்ஞானிகள் கூடுதல் தகவலையும் கண்டறிந்துள்ளனர்.

அதாவது, மனித மூச்சிலுள்ள கார்பன் - டை - ஆக்சைடின் வாடையை கண்டுகொண்ட பிறகு, அவை சுற்றிலும் நோட்டம் பார்க்கின்றன. அப்போது சிவப்பு அல்லது ஆரஞ்சு நிறத்தில் ஏதாவது தட்டுப்படுகிறதா என்பதை தேடுகின்றன. அப்படி தட்டுப்பட்டதும், அதை நெருங்கி தங்கள் ரத்தப் பசியை தீர்க்க முயல்கின்றன.ஆய்வகங்களில் பல நிறங்களில் பொருட்களை வைத்தபோதும், கொசுக்கள் இந்த இரு நிறமுள்ள பொருட்களையே நாடுவதை ஆய்வாளர்கள் கவனித்தனர்.

இது ஏன் என்று ஆராய்ந்தபோது, மனிதர்கள் எந்த நிறத் தோலை உடையவர்களாக இருந்தாலும், அவர்களது தோலிலிருந்து சிவப்பு அல்லது ஆரஞ்சு நிற ஒளி அலைகள் பிரதிபலிக்கின்றன. முதலில் கார்பன் - டை - ஆக்சைடு வாடை அந்த இடத்திலிருந்து வரவேண்டும்.

அடுத்து அந்த இடம் சிவப்பு அல்லது ஆரஞ்சு வண்ணத்தில் இருக்க வேண்டும். அப்படி இருந்தால், கொசுக்களுக்கு சாப்பாட்டு மணி அடிக்கப்படுவதாகவே பொருள்.

மற்ற பூச்சிகளுக்கு இதேபோல நிறப் பாகுபாடு பற்றிய அறிவு உண்டா என, விஞ்ஞானிகள் ஆராய்ந்து வருகின்றனர்.

உயிரை எடுக்கக் கூடிய சயனைடே பூமியில் உயிர்கள் உருவாக உதவியது: விஞ்ஞானிகள் கண்டுபிடிப்பு

 

   February 17, 2022 • Viduthalai

லண்டன், பிப். 17- புதிய ஆராய்ச்சி யில் ,  கொடிய சயனைடு  கலவை, உண்மையில், பூமியில் உயிர்கள் உருவாக உதவியது என்று கண்டறியப்பட்டு உள்ளது.

விஞ்ஞானிகள் சயனை டைப் பயன்படுத்தி ஓர் இரசா யன எதிர்வினையை உருவாக்கி யுள்ளனர்,சயனைடு 400 கோடி ஆண்டுகளுக்கு முன்பு பூமியில் கரிம உயிர்களை உருவாக்க உதவியது என கண்டறிந்து உள்ளனர்.

சயனைடு என்பது கார்பன் மற்றும் நைட்ரஜன் அணுக் களால் உருவானது. இதன் அறிவியல் பெயர் சிஎச் (சிபி) இதனை உட்கொள்ளும் நபர் முதலில் தலைவலி, எரிச்சல், இதய துடிப்பின் வேகம் அதி கரிப்பு, வாந்தி முதலியவற்றை சந்திக்கநேரிடும். பின்னர் குறைந்த இரத்த அழுத்தம், மெதுவான இதய துடிப்பு, மாரடைப்பு  ஏற்பட்டு உயிரி ழக்க நேரிடும்.

இதனை உட்கொண்ட நபரை காப்பற்ற இயலாது. ஒரு வேளை காப்பாற்றினாலும் வாழ்நாள் முழுவதும் நரம்பு சம்பந்தபட்ட நோய்களால் அவதிப் பட நேரிடும்.

இதற்கு காரணம் அதில் கலந் துள்ள ஹைட்ரஜன் சயனைடு வாயு மற்றும் ஹைட்ரஜன் உப்புகள்.

இந்த ஆபத்தான வாயுக்கள் சயனைடு குப்பியில் மட்டுமில் லால் எரிகின்ற வீடு, மெட்டல் புகைகளில் இருந்தும் வருகின் றது

சயனைடு எனபது பல வடிவங்களில் இருக்கக்கூடிய ஒரு கொடிய இரசாயனம். இர சாயனம் உயிரை போக்கக் கூடி யதாக இருந்தாலும் சயனைடு  உயிருக்கு  தேவையான மூலக் கூறுகளை உருவாக்குவதற்கு ஓர் அத்தியாவசிய கலவை  என விஞ்ஞானிகள் கண்டறிந்து உள்ளனர்.

மேலும், வேற்றுக் கோள் களில் அதற்கான அறிகுறிக ளைத் தேடுவது, பிரபஞ்சத்தில் வேறு இடங்களில் உள்ள உயிர் களைக் கண்டறியவும் உதவும் என்று ஸ்க்ரிப்ஸ் ஆராய்ச்சியின் வேதியியலாளர்கள் கண்டறிந் துள்ளனர்.

நைட்ரஜன் அணுவுடன் பிணைக்கப்பட்ட கார்பன் அணுவைக் கொண்ட கலவை, கார்பன் டை ஆக்சைடில் இருந்து கார்பன் அடிப்படையிலான சேர்மங்களை உரு வாக்கும் பூமியில் சில முதல் வளர்சிதை மாற்ற எதிர்வினை களை ஏற்படுத்தியிருக்கலாம் என்று குழு கண்டுபிடித்தது.

வளர்சிதை மாற்ற எதிர் வினைகள் என்பன உணவில் இருந்து ஆற்றலை உருவாக்கும் எதிர்வினைகள் மட்டுமின்றி உயிரைத் தக்கவைக்கவும் அவ சியமானதாகும்.

இதுகுறித்து கூறிய ஆராய்ச் சியாளர்கள் 'சயனைடு பூமியில் உயிர்களின் தோற்றத்தில் முக்கிய பங்கு வகித்திருக்கலாம், மேலும் வேற்றுக் கோள் வாசி களை கண்டறிய நமக்கு  உதவ லாம்' என்று கூறி உள்ளனர்.

ஸ்கிரிப்ஸ் ஆராய்ச்சியின் வேதியியல் இணைப் பேராசிரி யரும், ஆய்வின் முதன்மை ஆசி ரியருமான டாக்டர் ராமநாரா யணன் கிருஷ்ணமூர்த்தி கூறிய தாவது:-

பூமியின் ஆரம்பத்திலோ அல்லது பிற கோள்களிலோ - நாம் உயிர் வாழ்வின் அறிகுறி களைத் தேடும்போது - நாம் அறிந்த உயிர் வேதியியலின் அடிப்படையில் தேடுகிறோம்.

இதே வளர்சிதை மாற்ற எதிர்வினைகள் சயனைடால் நிகழ்ந்து இருக்கலாம் என்பது வாழ்க்கை மிகவும் வித்தியாச மாக இருக்கும் என்பதைக் காட்டுகிறது என கூறினார்.