உயிர்கள் வாழத் தகுதியான கோள் கண்டுபிடிப்பு

   February 14, 2022 • Viduthalai

லண்டன், பிப். 14-- உயிர்கள் வாழக் கூடிய வேறு, கோள்கள் இருக் கின்றனவா என்று விஞ்ஞானி கள் தொடர்ந்து ஆராய்ச்சி களை மேற்கொண்டு வருகின்ற னர். இந்தநிலையில் உயிர்கள் வாழ தகுதியான ஒரு கோள் கண்டுபிடிக்கப்பட்டு உள்ள தாக விஞ்ஞானிகள் தெரிவித் தனர்.

லண்டன் பல்கலைக்கழக கல்லூரியின் பேராசிரியர் ஜேபரிகி தலைமையிலான ஆய்வு குழுவினர் வெளியிட் டுள்ள அறிக்கையில் இது தெரிவிக்கப்பட்டு உள்ளது. அதில் கூறி இருப்பதாவது:-

“ஒயிட்” டார்ப் என்று அழைக்கப்படும் நட்சத் திரத்தை உயிர்கள் வாழும் சூழ் நிலை கொண்டுள்ள கோள் சுற்றி வருவது கண்டு பிடிக்கப் படுவது இதுவே முதல் முறை யாகும்.

இந்தக் கோள் நட்சத்திரத் தில் உயிர்கள் வாழக் கூடிய மண்டலத்தில் கண்டுபிடிக்கப் பட்டுள்ளது. அங்கு உயிர்கள் வாழ முடியாத அளவுக்கு மிகவும் குளிராகவோ அல்லது அதிக வெப்பமாகவோ இருக் காது.

பூமியில் இருந்து 117 ஒளி ஆண்டு தொலைவில் இருக்கும் இந்த கோளுக்கும் அதன் நட்சத்திரத்துக்கும் இருக்கும் தூரம், பூமிக்கும் சூரியனுக்கும் இடையே இருக்கும் தொலைவை விட 60 மடங்கு குறைவாகும்.

உயிர்கள் வாழக்கூடிய மண் டலம் என்பது ஒரு நட்சத் திரத்தில் இருந்து குறிப்பிட்ட தொலைவில் அமைந்துள்ள பகுதியாகும். இந்த பகுதியில் அமைந்துள்ள கோள்கள் திரவ நீர் இருக்க வாய்ப்புள்ள சூழ் நிலையை கொண்டிருக்கும். எனவே உயிர்கள் வாழ இது உதவும்.

நட்சத்திரத்துக்கு மிகவும் அருகில் ஒரு கோள் இருந்தால் அது மிகவும் சூடாக இருக்கும். அதிக தொலைவில் இருந்தால் மிக குளிராக இருக்கும். தற்போது கண்டுபிடிக்கப்பட்டு உள்ள கோள் இருக்கும் மண்ட லம் உயிர்கள் வாழ மிக சரியாக இருக்கும் பகுதியில் இருக்கிறது என்று தெரிவிக்கப்பட்டுள்ளது.

இது குறித்து பேராசிரியர் ஜேபரிகி கூறும்போது, “இந்த கணிப்பு வானியலாளர்களுக்கு முற்றிலும் புதியது” என்றார் பேராசிரியர் ஜேபரிகி.

43 மில்லியன் ஆண்டுகளுக்கு முன்பு வாழ்ந்த நான்கு கால்கள் கொண்ட திமிங்கிலம்

  August 28, 2021 • Viduthalai

 இன்றைய வட ஆப்பிரிக்கப் பகுதி முன்பு அட்லாண்டிக் கடலுக்குள் மூழ்கி இருந்தது, காலப்போக்கில் நிலத்தட்டுக்களின் நகர்வால் இன்று ஆப்பிரிக்க கண்டம் உருவாகியுள்ளது, அப்படி நகர்வதற்கு முன்பு கடலுக்குள் வட ஆப்பிரிக்க பகுதி இருந்த போது கால்களைக் கொண்ட திமிங்கிலம் போன்ற பல உயிரினங்கள் வாழ்ந்திருந்தது.

அதில் ஒன்றின் புதைபடிமம் எகிப்தில் கண்டுபிடிக்கப் பட்டுள்ளது.   சுமார் 600 கிலோகிராம் எடைகொண்ட அந்தத் திமிங்கிலம், 3 மீட்டர் நீளம் கொண்ட உயிரினமாக இருந்திருக்கிறது என்று ஆய்வில் தெரிவிக்கப்பட்டுள்ளது.  அந்தத் திமிங்கிலத்தால் நிலத்தில் முதலைகள் போல் நடக்கவும் முடியும், நீரில் நீந்தவும் முடியும்.  இதற்கு முன், 2011ஆம் ஆண்டில் பெருவில் (peru) 43 மில்லியன் ஆண்டு பழைமைவாய்ந்த, 4 கால்கள் கொண்ட திமிங்கிலத்தின் புதைபொருள் கண்டுபிடிக்கப்பட்டது, இந்த திமிங்கிலங்களின் காலம் - பூக்கும் தாவரங்களும், குட்டை செடிகளும் இல்லாத காலகட்டம். மேலும் தற்போது உள்ள மிகச்சிறிய பூச்சியினங்கள் இக்காலகட்டத்தில் பல மீட்டர் உயரமாகவும் நீளமாகவும் வாழ்ந்தது வந்தன என்பதும் குறிப்பிடத்தக்கது.

பருவநிலை மாற்றம் காரணமாக 3 கோடி ஆண்டுக்கு முன்னரே 65 விழுக்காடு உயிரின‌ங்கள் அழிவு: புதிய ஆய்வில் தகவல்

    October 12, 2021 • Viduthalai

துபாய், அக். 12- பருவநிலை மாற்றம் என்பது தற்கால பிரச்சினை அல்ல. பூமி உருவான காலத்திலிருந்தே பெரிய அளவிலான‌ பருவநிலை மாற்றங்கள் ஏற்பட்டுள்ளன. அதன் காரணமாக உயிரினங்களும் அழிவுக்கும் மாற்றத்திற்கும் உள் ளாகியுள்ளன. பருவநிலை மாற்றம் காரணமாக சுமார் 3 கோடி ஆண்டுகளுக்கு முன்பு ஆப்பிரிக்கா மற்றும் அரேபிய தீபகற்பத்தில் இருந்து 65 சதவீதம் பாலூட்டி இனங்கள் அழிந்தது என புதிய ஆய்வு ஒன்றில் தெரிய வந்துள்ளது.

உலகில் அழிந்து போன உயிரினங்கள் குறித்து பல்லாண்டு காலமாக  ஆய்வுகள் மேற்கொள்ளப் பட்டு வருகிறது.

அமெரிக்கா, இங்கிலாந்து மற் றும் எகிப்தின் ஆராய்ச்சியாளர் களை உள்ளடக்கிய இந்த குழு, பாலூட்டி குழுக்களின் புதைபடி வங்களை  ஆய்வு செய்தனர். இதில் அய்னோடோண்ட்ஸ் என்று அழைக்கப்படும் அழிந்துபோன மாமிச உண்ணிகள், செதில் வால் அணில்கள், முள்ளம்பன்றிகள் மற்றும்  மனிதக் குரங்குகள் உள் ளிட்ட பல்வேறு உயிரினங்களை ஆய்வுக்கு உட்படுத்தினர். புதை படிவங்களாக கிடைத்த பாலூட் டிகளின் பற்கள் ஆய்வுக்கு வெகு வாக‌ உதவியது. அதன் மூலம் அவை எதை உணவாக உட் கொண்டது என்பது பற்றியும் எந்தமாதிரியான உணவு என்பதை அறிய முடிகிறது. குறிப்பாக காலத் திற்கு ஏற்ப எலிகள் மாறுதலடைந்து அவற்றின் பற்களிலும் மாறுதல்கள் நிகழ்ந்துள்ளது.

இயோசீன் மற்றும் ஒலிகோசீன் என்று அழைக்கப்படும் புவியியல் காலங்களுக்கு இடையில் சுமார் 3 கோடி ஆண்டுக்கு முன்னர் ஏற் பட்ட கால நிலை மாற்றத்தால் உலகின் மிகப் பெரிய அளவில் பாலூட்டி இனங்கள் அழிந்ததாக தெரிவிக்கப்பட்டுள்ளது. அச்சம யத்தில்  பூமி கடும் குளிர்ச்சியடைந் தது பனிப்படலங்கள் விரிவடைந் தன, கடல் மட்டம் குறைந்தது, உயர்ந்த மரங்கள் அடங்கிய‌ காடு கள் அழிந்தது, கார்பன் டை ஆக் சைடு மிக அரிதான ஒன்றாகி விட் டது. அச்சமயத்தில் அய்ரோப்பா மற்றும் ஆசியாவில் உயிர் இனங் களில் கிட்டத்தட்ட மூன்றில் இரண்டு பங்கு அழிந்துவிட்டன.

ஆப்பிரிக்க பாலூட்டிகள் சில உயிர் தப்பியிருந்தது. 65 சதவீத பாலூட்டி இனங்கள் அழிந்து உள்ளன. இந்த‌ ஆய்வின் இணை ஆசிரியர் கெசஷாம் சல்லம் கூறுகையில், ‘‘முந்தைய  காலநிலை மாற்றங்கள் குறித்த ஆய்வுகள் தற்போதைய காலத்திற்கு மிக முக்கியமானதாகும். இதன் மூலம் தற்போதைய‌ காலநிலை மாற்றம் சுற்றுச்சூழல் அமைப்புகளை எவ்வாறு பாதிக்கும் என்பதைப் பற்றி எளிதாக அறிய முடியும். இதன் மூலம் முன்னெச்சரிக்கை நடவடிக்கைகளை எடுக்க முடியும்’’ என்றார்.