எகிப்து பாலைவனத்தில் கண்டெடுக்கப்பட்ட முதலைகளின் படிமம் குழம்பிப்போன ஆய்வாளர்கள்!

 கெய்ரோ, நவ. 6- பழங்கால படி மங்கள் அனைத்தும் நம்மை மிகுந்த ஆச்சரியத்திற்கு உள்ளாக்குகின்றன. அந்த வகையில், எகிப்து நாட்டின் பாலைவனப்பகுதியில் இருந்து முதலையின் படிமம் ஒன்று கண்டெடுக்கப்பட்டிருக்கிறது.

முதலையின் படிமம்

பாலைவனத்தில் எப்படி முதலை வாழ்ந்திருக்கும்? என்கிற கேள்வி விஞ்ஞானிகளை ஆச்சரியப் படுத்தினாலும், இந்த படிமங்கள் கடல் முதலையினுடையது என்று சொல்லப்படுவதுதான் அதைவிட ஆச்சரியமான விசயமாக இருக்கிறது. கடலில் முதலைகளால் வாழ முடியாது.

தற்போது இருக்கும் உப்பு நீர் முதலைகள் கடலில் 100 கி.மீ வரை கூட வேட்டையாடும் என்றாலும், அது நிரந்தரமான கடல்வாழ் உயிரி கிடையாது. இனப்பெருக்கத்திற்கும், முட்டையிடுவதற்கும் அது கரைக்கு வந்தாக வேண்டும். ஆனால் எகிப்து பாலைவனத்தில் கண்டு பிடிக்கப்பட்ட முதலை முழுக்க முழுக்க கடல்வாழ் உயிரினமாகும்.

சில ஆயிரம் ஆண்டுகளுக்கு ஒரு முறை பூமியில் மாற்றங்கள் ஏற்படுகிறது என்றும், இந்த மாற்றம் காரணமாக கடல்கள் இடம் பெயர்கின்றன என்றும் ஒரு கோட்பாடு விஞ்ஞானிகளால் முன்வைக்கப்படுகிறது. அந்த வகையில் ஒரு காலத்தில் எகிப்து கடல் பகுதியாக இருந்திருக்கலாம் என்றும், பின்னர் கடல் வேறு பகுதிக்கு மாறியதால், எகிப்து பாலை வனமாக மாறியிருக்கலாம் என்றும் சொல்லப்படுகிறது.

அப்படியாகத்தான் சுமார் 80 மில்லியன் ஆண்டுகளுக்கு முன்னர் எகிப்து கடல் பகுதியில், கடல் நீர் முதலை வாழ்ந்திருக்கலாம் என்று சொல்லப்படுகிறது. இந்த முதலைகள், தற்போது நாம் பார்க்கும் முதலைகள் போன்று வடிவமைப்பை கொண்டிருந்தாலும், முழுக்க முழுக்க மீன் போல கடல் நீரிலேயே வாழ்வதற்கான அனைத்து அம்சங்களையும் பெற்று, முழு நேரமும் கடலி லேயே வாழ்ந்திருக்கலாம் என்று ஆய்வாளர்கள் கண்டுபிடித்திருக் கின்றனர்.

டைனோசர்கள் அழியும் கொஞ்ச காலத்திற்கு முந்தைய காலத்தில்தான் இந்த முதலைகள் வாழ்ந்து வந்ததாகவும், இப்போது இந்த வகையான முதலைகளே கிடையாது என்றும் விஞ்ஞானிகள் கூறுகின்றனர். இதை ஆய்வு செய்யும்போது, முதலைகளின் பரிணாம வளர்ச்சி நாம் கணித்ததற்கு முன்பிருந்தே நடந்திருக்கிறது என்றும் விஞ்ஞானிகள் கண்டுபிடித்து உள்ளனர்.

இந்த மாதிரியான கண்டு பிடிப்புகள், உலகம் எப்படி உருவா னது, எந்தெந்த கட்டங்களை தாண்டி வந்திருக்கிறது என்பதை தெரிந்துக்கொள்ள உதவும். அதன் மூலம், உலகம் தற்போது எதை நோக்கி பயனித்துக்கொண்டிருக்கிறது? என்பதையும் அறிந்துக்கொள்ள உதவுகிறது என ஆய்வாளர்கள் கூறுகின்றனர்.

- விடுதலை நாளேடு, 6.11.25

உருகாத தங்கம்: உறைநிலையை விட 14 மடங்கு சூடாக்கிய விஞ்ஞானிகள்!

 

தங்கம் போன்ற எந்தவொரு திடப்பொருளையும் அதன் உறைநிலையை (Melting Point) தாண்டி சூடாக்கினால் என்ன ஆகும்? அது உருகி திரவமாக மாறிவிடும். ஆனால், விஞ்ஞானிகள் சமீபத்தில் ஒரு நம்பமுடியாத சோதனையைச் செய்துள்ளனர்.

அவர்கள் திடமான தங்கத்தை, அதன் உறைநிலையை விட 14 மடங்கு அதிக வெப்பநிலைக்குக் கொண்டு சென்றும், அது உருகாமல் திடமாகவே இருப்பதை உறுதி செய்துள்ளனர். இது அறிவியலில் ஒரு மாபெரும் சாதனை.

கண்ணிமைக்கும் நேரத்தில் நடந்த சோதனை!

சூரியனின் உட்பகுதி அல்லது மற்ற கோள்களின் மய்யம் போன்ற இடங்களில் உள்ள பொருட்கள் “வெதுவெதுப்பான அடர்த்தியான பொருள்” (Warm Dense Material) என்று அழைக்கப்படுகின்றன. இவை மில்லியன் கணக்கான டிகிரி வெப்பநிலையில் இருக்கும். ஆனால், இவ்வளவு அதீத வெப்பநிலையைத் துல்லியமாக அளவிடுவது விஞ்ஞானிகளுக்குப் பல்லாண்டுகளாகப் பெரும் சவாலாக இருந்தது.

இந்தச் சவாலை முறியடிக்க, விஞ்ஞானிகள் ஒரு அதிவேக எக்ஸ்-ரே லேசரைப் பயன்படுத்தினர். அவர்கள் 45 ஃபெம்டோ வினாடிகள் (அதாவது, ஒரு வினாடியை பல்லாயிரம் டிரில்லியனாகப் பிரித்தால் அதில் ஒரு பங்கு) மட்டுமே நீடிக்கும் லேசர் துடிப்பை, ஒரு மெல்லிய தங்கத் தகட்டின் மீது பாய்ச்சினர். இந்த அதீத ஆற்றல், தங்கத்தின் அணுக்களை அதிவேகமாக அதிரச் செய்தது. அதன் வெப்பநிலையை அளக்க, இரண்டாவது லேசர் துடிப்பை அனுப்பி, அது சிதறி வருவதை வைத்து அணுக்களின் அதிர்வைக் கணக்கிட்டனர்.

அதிர்ச்சியளித்த  முடிவுகள!

தங்கத்தின் சாதாரண உறைநிலை 1,337 கெல்வின் (1,064 C) ஆகும். ஆனால் இந்தச் சோதனையில், தங்கத்தின் வெப்பநிலை 19,000 கெல்வின் (18,700 C) வரை உயர்ந்தது. இது அதன் உறைநிலையை விட 14 மடங்கு அதிகம். இவ்வளவு கொதிநிலையிலும் தங்கம் உருகாமல் திடப்பொருளாகவே இருந்தது. இதுவே இதுவரை பதிவுசெய்யப்பட்ட “மிக வெப்பமான திடப்பொருள்” (Hottest Crystalline Material) ஆகும்.

பழைய கோட்பாடு உடைந்தது!

1980-களிலிருந்து, “என்ட்ரோபி பேரழிவு” (Entropy Catastrophe) என்ற கோட்பாடு ஒன்று இருந்தது. அதன்படி, எந்தவொரு திடப்பொருளையும் அதன் உறைநிலையை விட மூன்று மடங்குக்கு மேல் சூடாக்க முடியாது. அப்படிச் செய்தால், திடப்பொருளின் ஒழுங்கான அணுக்கட்டமைப்பு, திரவத்தின் ஒழுங்கற்ற அமைப்பை விட அதிக ஒழுங்கற்றதாக மாறி விடும். இது வெப்ப இயக்கவியலின் இரண்டாம் விதியை (Second Law of Thermodynamics) மீறும் ஒரு முரண்பாடாகும். ஆனால், இந்தச் சோதனை அந்தப் பழைய கோட்பாட்டைத் தவறென நிரூபித்தது. மிக மிகக் குறைந்த நேரத்தில் தங்கத்தை சூடாக்கியதால், அதன் அணுக்களின் கட்டமைப்பு விரிவடைந்து, உடைந்து, திரவ மாக மாறுவதற்கு நேரமே கிடைக்க வில்லை.  இந்தச் சோதனை, அதீத வெப்பநிலையில் உள்ள பொருட் களை அளவிட ஒரு புதிய வழியை விஞ்ஞானிகளுக்குக் காட்டியுள்ளது.

-விடுதலை நாளேடு, 30.10.25

அறிவியலின் அடுத்த கட்டம்: தோலின் செல்லிலிருந்து கருவை உருவாக்கிய விஞ்ஞானிகள்

அமெரிக்க விஞ்ஞானிகள் முதல் முறையாக மனிதர்களின் தோல் செல்களில் இருந்து டிஎன்ஏ எடுத்து, அதை விந்தணுக்களால் செறிவூட்டி, கருவை உருவாக்கியுள்ளனர்.

இந்த முறையால், உடலில் உள்ள எந்த செல்லையும் பயன்படுத்தி ஒரு குழந்தையை உருவாக்க முடியும். முதுமை அல்லது நோயால் குழந்தை பெற முடியாதவர்களுக்கு இது உதவும். மேலும், தன்பாலின இணையர்களும் மரபணு ரீதியாக தொடர்புடைய குழந் தையைப் பெற வாய்ப்பு உருவாகலாம்.

ஆனால், இந்த முறையை கருத்தரிப்பு மருத்துவமனைகளில் பயன்படுத்த மேம்பாடுகள் செய்ய வேண்டும். இதற்கு குறைந்தது 10 ஆண்டுகள் ஆகலாம். இதை ஒரு முக்கிய முன்னேற்றம் என்று நிபுணர்கள் குறிப்பிட்டாலும், இதுபோன்ற அறிவியல் முயற்சிகள் குறித்து பொதுமக்களுடன் வெளிப் படையான விவாதத்தை மேற்கொள்ள வேண்டும் என்றும் கூறுகின்றனர். பொதுவாக குழந்தை பெறுவது எளிதான ஒன்று. ஆணின் விந்து, பெண்ணின் கருமுட்டையைச் சந்தித்து, கரு உருவாகி, ஒன்பது மாதங்களில் குழந்தை பிறந்துவிடும்.

இப்போது விஞ்ஞானிகள் இந்த விதிகளை மாற்றுகின்றனர். இந்தப் புதிய முயற்சி மனித தோலில் இருந்து தொடங்குகிறது. ஓரிகன் சுகாதாரம் மற்றும் அறிவியல் பல்கலைக்கழக ஆராய்ச்சி யாளர்கள், உடலை உருவாக்கத் தேவையான முழு மரபணு (டிஎன்ஏ) இருக்கும் தோல் செல்லின் நியூக்ளியஸை (nucleus) எடுக்கின்றனர். பின்னர், அதை மரபணு தகவல்கள் நீக்கப்பட்ட ஒரு கருமுட்டையில் வைக்கின்றனர். 1996இல் உலகில் குளோனிங் முறை யில் உருவாக்கப்பட்ட முதல் பாலூட்டி விலங்கான டோலி ஆட்டை உரு வாக்கிய முறையைப் போன்றது இது.

“மைட்டோமியோசிஸ்”

ஆனால், விந்தணுவால் இந்த கருமுட்டையை கருத்தரிக்க முடியவில்லை. ஏனெனில் ெகாடையாக பெறப்பட்ட இந்த கருமுட்டைக்குள் ஏற்கெனவே முழு குரோமோசோம்களும் உள்ளன. ஒரு குழந்தை உருவாக, தாயிடமிருந்தும் தந்தையிடமிருந்தும் தலா 23 குரோமோசோம்கள் (மொத்தம் 46) தேவை. ஆனால், இந்த முட்டையில் ஏற்கெனவே 46 குரோமோசோம்கள் இருக்கின்றன. அதனால், கருமுட்டை தனது குரோமோசோம்களில் பாதியை வெளியேற்ற வேண்டும். அதன் பின் தான் கருமுட்டையால் விந்தணுவுடன் சேர முடியும். இந்தச் செயல்முறையை ஆராய்ச்சியாளர்கள் “மைட்டோமியோசிஸ்” என்று அழைக் கின்றனர். (இது “மைட்டோசிஸ்” மற்றும் “மியோசிஸ்” என்ற செல்கள் பிரியும் இரண்டு முறைகளின் கலவை).

எதிர்காலத்தில் சாத்தியமாகும்

நேச்சர் கம்யூனிகேஷன்ஸ் என்ற அறிவியல் இதழில் வெளியான ஆய்வு, 82 செயல்படும் கருமுட்டைகள் உருவாக்கப்பட்டதாக கூறுகிறது. அவை விந்தணுக்களால் கருத்தரிக்கப்பட்டன. சில கருமுட்டைகள் கருவின் ஆரம்ப கட்டத்துக்கு வளர்ந்தன. ஆனால், ஆறு நாட்களுக்கு மேல் எதுவும் வளரவில்லை. “சாத்தியமற்றது என்று நினைக்கப்பட்ட ஒன்றை நாங்கள் செய்துவிட்டோம்,” என்கிறார் ஓரிகன் சுகாதார மற்றும் அறிவியல் பல்கலைக்கழகத்தின் கரு உயிரணு மற்றும் மரபணு சிகிச்சை மய்ய இயக்குநர் பேராசிரியர் சவுக்ரத் மிட்டாலிபோவ். ஆனால், இந்த செயல்முறை இன்னும் முழுமை யாகவில்லை. கருமுட்டை எந்த குரோமோசோம்களை வெளி யேற்றுவது என்பதை தற்செயலாகத் தேர்ந்தெடுக்கிறது. நோய் வராமல் இருக்க, 23 வகைகளில் ஒவ்வொரு வகையிலிருந்தும் ஒரு குரோமோசோம் இருக்க வேண்டும். ஆனால், சில வகைகள் இரண்டாகவும், சில வகைகள் எதுவும் இல்லாமலும் இருக்கின்றன.

மேலும், இந்த முறையின் வெற்றி விகிதம் 9% மட்டுமே. குரோமோசோம்கள் ‘கிராசிங் ஓவர்’ என்ற முக்கியமான டிஎன்ஏ மறுசீரமைப்பு செயல்முறையையும் தவறவிடுகின்றன.

“இந்த முறையை இன்னும் மேம்படுத்த வேண்டும்,” என்கிறார் உலகப் புகழ்பெற்ற ஆராய்ச்சியாளர் மிட்டாலிபோவ். “எதிர்காலத்தில் இது முக்கியமானதாக இருக்கும், ஏனெனில் குழந்தை பெற முடியாதவர்களின் எண்ணிக்கை அதிகரித்து
வருகிறது.”

இந்தப் புதிய தொழில்நுட்பம், ‘இன் விட்ரோ கேமடோஜெனீசிஸ்’ எனப்படும் ஒரு வளர்ந்து வரும் துறையின் பகுதி. இதில், உடலுக்கு வெளியே விந்தணுவும் முட்டைகளும் உருவாக்கப்படுகின்றன.  இது இன் னும் மருத்துவமனைகளில் பயன்படுத்தப்படவில்லை. ஆனால், போதிய விந்தணு அல்லது கருமுட்டைகள் இல்லாததால் செயற்கை கருத்தரித்தல் (ஐவிஎஃப்) மூலம் குழந்தை பெற முடியாத இணையர்களுக்கு உதவுவதே இதன் நோக்கமாக உள்ளது.

வயதான பெண்கள், விந்தணு குறைவாக உற்பத்தி செய்யும் ஆண்கள், அல்லது புற்றுநோய் சிகிச்சையால் மலட்டுத்தன்மை அடைந்தவர்களுக்கு இந்த முறை நம்பிக்கை தரும். இந்தத் தொழில்நுட்பம் பெற்றோராவதற்கான பாரம்பரிய விதிகளை மாற்றுகிறது. இதற்கு பெண்ணின் தோல் செல்கள் மட்டுமல்ல, ஆணின் தோல் செல்களையும் பயன்படுத்தலாம்.

இதனால், தன்பாலின தம்பதிகள் இருவரும் மரபணு ரீதியாக தொடர்புடைய குழந்தையைப் பெற முடியும். உதாரணமாக, ஆண் இணையர்களில் ஒருவரின் தோல் செல்களால் கருமுட்டை உருவாக்கி, மற்றவர் விந்தணுவால் கருத்தரிக்கலாம்.

“போதிய விந்தணு அல்லது கருமுட்டைகள் இல்லாததால் குழந்தை பெற முடியாத கோடிக்கணக்கான மக்களுக்கு இது நம்பிக்கை தருவதோடு, தன்பாலின தம்பதிகளுக்கு இருவருடனும் மரபணு ரீதியாக தொடர்புடைய குழந்தையைப் பெறும் வாய்ப்பையும் கொடுக்கும்,” என்கிறார் ஓரிகன் சுகாதார மற்றும் அறிவியல் பல்கலைக்கழகத்தைச் சேர்ந்த பேராசிரியர் பவுலா அமடோ.

பொதுமக்களின் கவனத்துக்குக் கொண்டு செல்ல வேண்டும்

ஹல் பல்கலைக்கழகத்தின் இனப்பெருக்க மருத்துவப் பேராசிரியர் ரோஜர் ஸ்டர்மி, இந்த அறிவியல் முயற்சி “முக்கியமானது” மற்றும் “சிறப்பானது” என்று தெரிவித்தார்.

“இதுபோன்ற ஆராய்ச்சிகள், இனப்பெருக்கத்தில் ஏற்படும் புதிய கண்டுபிடிப்புகள் பற்றி மக்களுடன் திறந்த உரையாடல் நடத்த வேண்டியதன் முக்கியத்துவத்தை காட்டுகின்றன,” என்று அவர் கூறினார். “மக்களின் நம்பிக்கையை வளர்க்கவும், பொறுப்பை உறுதி செய்யவும் வலுவான நிர்வாகம் தேவை என்பதை இது நமக்கு உணர்த்துகிறது.”

எடின்பரோ பல்கலைக்கழகத்தின் எம்ஆர்சி இனப்பெருக்க சுகாதார மய்யத்தின் துணை இயக்குநர் பேராசிரியர் ரிச்சர்ட் ஆண்டர்சன், புதிய கருமுட்டைகளை உருவாக்கும் இந்தத் திறன் “பெரிய கண்டுபிடிப்பு” என்று கூறினார்.

தொடர்ந்து பேசிய அவர், “பாதுகாப்பு குறித்து சில கவலைகள் இருக்கலாம். ஆனால், இந்த ஆய்வு பல பெண்கள் தங்கள் மரபணு ரீதியாக தொடர்புடைய குழந்தைகளைப் பெற உதவும் ஒரு முக்கிய படியாக இருக்கும்,”என்றார்.

- விடுதலை நாளேடு,02.10.25

மருத்துவத்தில் ஒரு மைல் கல் இதயம், கல்லீரல் உள்ளிட்ட மனித உறுப்புகளை செயற்கையாக உருவாக்கினர் அமெரிக்க விஞ்ஞானிகள் சாதனை

 

வாசிங்டன், அக்.3 அமெரிக்க காவின் நார்த் டெக்சாஸ் பல்கலைக்கழகம், ஸ்டான்போர்டு பல்கலைக்கழக விஞ்ஞானிகள் இணைந்து இதயம், கல்லீரல், ரத்த நாளங்கள் உள்ளிட்ட மனித உறுப்புகளை ஆய்வகத்தில் செயற்கையாக உருவாக்கி சாதனை படைத்துள்ளனர்.

இதுதொடர்பான ஆய்வறிக்கை முன்னணி மருத்துவ இதழ்களில் வெளியிடப்பட்டு உள்ளது. அந்த ஆய்வறிக்கையில் கூறியிருப் பதாவது: ஆய்வகத்தில் ஸ்டெம் செல்களைப் பயன்படுத்தி செயற்கை இதயத்தை உருவாக்கும் ஆராய்ச் சியில் கடந்த 2017-ஆம் ஆண்டு ஆண்டு முதல் ஈடுபட்டு வருகிறோம்.

இதன்படி 16 நாட்களில் எங்களது ஆய்வில் செயற்கை இதயம் உருவாக்கப்பட்டது. இந்த செயற்கை இதயம்,மனித இதயத்தை போன்று துடிக்கிறது. இதேபோல செயற்கை கல்லீரலையும் உரு வாக்கி உள்ளோம். மேலும் செயற்கை ரத்த நாளங்களையும் உருவாக்கி இருக்கிறோம். எங்கள் ஆராய்ச்சியின் மூலம் லட்சக்கணக்கான மக்களை காப்பாற்ற முடியும். இவ்வாறு ஆய்வறிக்கையில் தெரிவிக்கப்பட்டுள்ளது.

- விடுதலை நாளேடு, 03.10.25

மருத்துவத்துக்கான நோபல் பரிசு மூன்று பேருக்கு அறிவிப்பு!

 

அய்ரோப்பிய நாடான ஸ்வீட னைச் சேர்ந்த வேதியியலாளரும், தொழிலதிபருமான ஆல்பிரட் நோபல் பெயரில், ஆண்டு தோறும் நோபல் பரிசுகள் வழங்கப்படுகின்றன.

மனித குலத்துக்குப் பல னளிக்கும் வகையில் செயல்படு வோருக்கு இந்த விருது வழங்கப்படுகிறது. இது உலகின் மிகவும் உயரிய விருதாகக் கருதப்படுகிறது.

இயற்பியல், வேதியியல், மருத்து வம், இலக்கியம், அமைதி, பொரு ளாதாரம்  என ஆறு பிரிவுகளின் கீழ் விருதுகள் வழங்கப்படுகிறது.

இவ்விருது அறிவிக்கப்பட்ட ஒவ்வொருவருக்கும் ஒரு தங்கப் பதக்கம், பட்டயம், பணப்பரிசு உள்ளிட்டவை வழங்கப்படும். இவ்விருது ஆல்பிரட் நோபலின் நினைவு நாளான டிசம்பர் 10 ஆம் தேதி வழங்கப்படும்.

அந்த வகையில், நடப்பாண்டுக்கான விருதுக்குத் தேர்ந்தெடுக்கப்பட்டோர் பெயர்கள் அறிவிப்பு நேற்று (6.10.2025) துவங்கியது. இதில் முதலில் மருத்துவத்துக்கான நோபல் பரிசுக்கு உரியோர்  பெயர் அறிவிக்கப்பட்டது.

உடலின் நோய் எதிர்ப்புச் சக்தி, ‘டி செல்’ எனப்படும் சொந்த செல்களைத் தாக்காமல் தடுக்கும் முறை குறித்து முக்கிய கண்டுபிடிப்புகளை மேற்கொண்டதற்காக மூன்று விஞ்ஞானிகளுக்கு இவ்விருது பகிர்ந்தளிக்கப்பட உள்ளது.

அமெரிக்காவைச் சேர்ந்த மேரி பிரன்கோவ் மற்றும் பிரெட் ராம்ஸ்டெல், ஜப்பானைச் சேர்ந்த ஷிமோன் சகாகுச்சி ஆகியோர், இந்தாண்டுக்கான மருத்துவ நோபல் பரிசு பெற உள்ளனர்.

-விடுதலை நாளேடு,07.10.25

3 விஞ்ஞானிகளுக்கு இயற்பியல் நோபல் பரிசு

 ஸ்டாக்ஹோம், அக்.8   அமெரிக்​கா, பிரிட்​டன், பிரான்ஸை சேர்ந்த 3 விஞ்​ஞானிகளுக்கு இயற்​பியலுக்​கான நோபல் பரிசு அறிவிக்​கப்​பட்டு உள்​ளது.

மருத்​து​வம், இயற்​பியல், வேதி​யியல், இலக்​கி​யம், அமை​தி, பொருளா​தா​ரம் ஆகிய துறை​களில் சாதனை படைப்​போருக்கு ஆண்​டு​தோறும் நோபல் பரிசு வழங்​கப்​படு​கிறது. மருத்​துவ நோபல் பரிசு நேற்று முன்​தினம்  (6.10.2025) அறிவிக்​கப்​பட்​டது.

இதைத் தொடர்ந்து இயற்​பியலுக்​கான நோபல் பரிசு விவரங்​களை ராயல் ஸ்வீடிஷ் அகாடமி ஆஃப் சயின்​சஸ் அமைப்பு சுவீடன் தலைநகர் ஸ்டாக்​ஹோமில் நேற்று (7.10.2025) வெளி​யிட்​டது.

அமெரிக்​காவை சேர்ந்த ஜான் எம். மார்​டினிஸ், பிரிட்​டனை சேர்ந்த ஜான் கிளார்க், பிரான்ஸை சேர்ந்த மைக்​கேல் டெவோரெட் ஆகியோர் இந்த ஆண்டு இயற்​பியல் நோபல் பரிசுக்கு தேர்வு செய்​யப்​பட்டு உள்​ளனர். மூன்று விஞ்​ஞானிகளும் தற்​போது அமெரிக்​கா​வின் கலி​போர்​னியா பல்​கலைக்​கழகத்​தில் பணி​யாற்றி வரு​கின்​றனர். குவாண்​டம் ஊடுரு​வல் குறித்த ஆய்​வுக்​காக அவர்​களுக்கு நோபல் பரிசு அறிவிக்​கப்​பட்டு இருக்​கிறது.

ஒரு பந்தை சுவரில் எறிந்​தால், அந்த பந்து திரும்பி வரும். இது அனை​வரும் அறிந்த இயற்​பியல் நிகழ்வு ஆகும். ஆனால் சில நுண்​ணியத் துகள்​கள் சுவரை துளைத்து மறு​பக்​கம் செல்​கின்​றன. இதுவே குவாண்​டம் ஊடுரு​வல் என்று அழைக்​கப்​படு​கிறது. கடந்த 1984, 1985-ஆம் ஆண்​டு​களில் குவாண்​டம் ஊடுரு​வலை 3 விஞ்​ஞானிகளும் அறி​வியல்​பூர்​வ​மாக நிரூபித்​தனர். இந்த சாதனைக்​காக அவர்​கள் நோபல் பரிசுக்கு தேர்வு செய்​யப்​பட்டு உள்​ளனர். மருத்​து​வம், விண்​வெளி, பாது​காப்பு தொழில்​நுட்​பங்​கள், சூப்​பர் கணினி தயாரிப்பு உட்பட பல்​வேறு துறை​களில் குவாண்​டம் ஊடுரு​வல் தொழில்​நுட்​பம் பயன்​படுத்​தப்​படுகிறது.

-விடுதலை நாளேடு,08.10.25

வேதியியலில் புதிய கண்டுபிடிப்புகள் 3 விஞ்ஞானிகளுக்கு நோபல் பரிசு அறிவிப்பு

 

ஸ்டாக்ஹோம்,அக்.9- உலோக-கரிம கட்ட மைப்பை உருவாக்கிய ஜப்பான், ஆஸி. மற்றும் அமெரிக்க ஆராய்ச்சி யாளர்கள் 3 பேருக்கு வேதியியலுக்கான நோபல் பரிசு அறிவிக்கப் பட்டுள்ளது.

இந்தாண்டுக்கான நோபல் பரிசுகள் அறி விக்கப்பட்டு வருகிறது. மருத்துவம் மற்றும் இயற்பியலுக்கான நோபல் பரிசுகள் அறிவிக் கப்பட்டுள்ள நிலையில் வேதியியலுக்கான நோபல் பரிசும் அறிவிக் கப்பட்டுள்ளது. ஜப்பா னின் கியோட்டோ பல்கலைக்கழகத்தின் வேதியியல் பேராசிரியர் சுசுமு கிடாகவா, மெல் போர்ன் பல்கலைக்கழக பேராசிரியர் ரிச்சர்ட் ராப்சன் மற்றும் கலி போர்னியா பல்கலைக்கழக பேராசிரியர் உமர் எம். யாகி ஆகியோர் உலோக – கரிம கட்ட மைப்பை உருவாக்கும் ஆய்வில் ஈடுபட்டனர். இவர்கள் உருவாக்கிய கட்டமைப்பில் உள்ள பள்ளங்களில் மூலக் கூறுகள் உள்வந்து வெளியே செல்லும். பாலைவனப் பகுதி காற்றிலிருந்து தண்ணீரை எடுக்கவும், தண்ணீரில் உள்ள மாசுக்களை அகற்றவும், கார்பன் டை ஆக்சைடை ஈர்க்கவும், ஹைட்ரஜனை சேமிக்கவும், இந்த உலோக -கரிம கட்டமைப்பை ஆராய்ச்சியாளர்கள் பயன்படுத்தினர்.

வேதியியல் ஆராய்ச்சி யாளர்கள் சந்திக்கும் சவால்களுக்கு தீர்வு காண உலோக – கரிம கட்டமைப்பு புதிய வாய்ப்புகளை அளித்துள்ளதால், இந்த கட்டமைப்பை உருவாக்கிய 3 விஞ்ஞானி களுக்கும் வேதியிய லுக்கான நோபல் பரிசு பகிர்ந்தளிக்கப்படுவதாக ‘தி ராயல் ஸ்வீடன் அறிவியல் அகாடமி’ அறிவித்துள்ளது.

-விடுதலை,09.10.25

 

காலக்கணக்கின் அளவை மாற்ற வேண்டுமா?– செ.ர.பார்த்தசாரதி

காலக்கணக்கின் அளவை மாற்ற வேண்டுமா?– செ.ர.பார்த்தசாரதி

விடுதலை ஞாயிறு மலர்

Published May 31, 2025

காலக்கணக்கை, அதாவது உலகம் தோன்றியது, ஞாயிறு (சூரிய) மண்டலம் தோன்றியது, போன்றவற்றின் கணக்கை, புவியின் சுற்றுக்கணக்கை அடிப்படையாக வைத்து கணிக்கிறார்கள். ‘புவியே தோன்றியிராத காலத்தில் நடந்தவற்றை எப்படி பூமியின் சுற்றுக்கணக்கைக் கொண்டு கணிக்க முடியும்?’’. ஆகையால் கணிப்பதில் மாற்றம் வேண்டும்’ என்று சிலர் கூறிவருகிறார்கள்.

எதை கணிப்பதாக இருந்தாலும் ஒரு எல்லை, ஒரு தொடக்கம், ஒரு முடிவு அல்லது ஒரு பொருள் தேவை. எடையை கணிக்க ‘நீர்’ அடிப்படையாக வைக்கப்பட்டுள்ளது.

நீரின் ‘லிட்டர்’ அளவும், ‘கிலோ’ அளவும் ஒன்று தான். 1 ஒரு லிட்டர் அளவுள்ள நீர், ஒரு கிலோ எடை இருக்கும். இதை அடிப்படையாக வைத்து;  மற்ற பொருள்களின் எடையை, அதாவது அடர்த்தியை வைத்து கணிக்கிறார்கள்.

வெப்ப நிலையை கணிக்க, செல்சியஸ் அளவு பயன்படுத்தப்படுகிறது. பனிக்கட்டியின் உருக தொடங்கும் நிலையை அடிப்படையாக வைத்து, அதிலிருந்து வெப்பநிலையை கணிக்கிறார்கள். அதாவது பனிக்கட்டி உருகத்தொடங்கும் வெப்பநிலை சுழியம் டிகிரி செல்சியஸ் (0°c) ஆகும். நீள, அகலங்களை அளக்க சாண், அடி, முழம் என மனித உறுப்புகளை மய்யமாக வைத்து அளக்கப்பட்டது. கணக்கு போட எண்களை அமைக்க மனிதனின் கைகளில் உள்ள பத்து விரல்களை மய்யமாக வைத்து கணிக்கப்பட்டது. இதற்கு ‘10 அடி மானம்’ என்று பெயர். கணினி ஆன் / ஆப் (இயங்கு நிலை / இயங்கா நிலை) என்ற முறையில் இயங்குவதால், இரண்டடி மானத்தில் இயங்குகிறது.

ஆண்டு கணக்கு பொதுவாக தற்போது கிறிஸ்து பிறப்பை (கிறிஸ்து வாழ்ந்தாரா? இல்லையா? என்பது வேறு செய்தி) மய்யமாக வைத்து கி.மு./ கி.பி. என்ற முறையில் கணக்கிடப்படுகிறது.

தமிழர்களின் ஆண்டு ‘சுறவம்’ (தை) மாதத்தில் முதல் நாள் தொடங்குகிறது. அதாவது சூரியன் தென் திசை பக்கமாக இருந்து வடதிசை பக்கமாக செல்லும் நிலையை மய்யமாக வைத்து ஆண்டு தொடங்குகிறது.

அப்போது ஆடு போன்ற ஒத்த வடிவம் உடைய விண்மீன் கூட்டம், வானில் தெரிய தொடங்குவதால் யாரு – ஆடு – ஆண்டு என்ற பெயரும் வந்தது. இந்த குறிகளை மய்யமாக வைத்து, தமிழ் ஆண்டு கணிக்கப்பட்டது.

இயந்திரங்களில், மோட்டார் இயங்கு திறனை, குதிரையின் இழு திறனை மய்யமாக வைத்து, ஒரு குதிரை திறன்; இரு குதிரை திறன்  (Horsepower) என்று கணிக்கப்பட்டது. இதே போல் பல எடுத்துக்காட்டுகளைக் கூறலாம். தற்போது இந்த அளவுகள் சிலவற்றில் மாறுதல்கள் செய்யப்பட்டுள்ளன. வெப்பநிலையை கணிக்க செல்சியஸுக்கு (°c)  பதிலாக, பாரன் ஈட் (°F) முறை பயன்படுத்தப்படுகிறது. அடிக்கு பதிலாக மீட்டர். லிட்டருக்கு பதிலாக கிலோ. ஏ.எம்./ பி. எம். முறைக்கு பதிலாக கிரீன் விச் நேரம் ( GMT ). மயில் என்பதற்கு பதிலாக கிலோமீட்டர். குதிரை திறனுக்கு(HP) பதிலாக கிலோ வாட்சு (KW) என்று பலவற்றை குறிப்பிடலாம். கி.மு./ கி.பி. என்பதற்கு பதிலாக பொ.மு./ பொ.பி. என மாற்றப்பட்டுவிட்டது.

ஆனால் இந்த மாறுதல் அனைத்துமே நமது பயன்பாட்டு முறைக்கு எளிதாகவும், ஏற்றால் போல் இருப்பதற்காகவும், மாற்றி அமைக்கப்பட்டுள்ளன.

செல்சியசில் வெப்பநிலையை கணக்கிட்டாலும், பாரன் ஈட்டில் வெப்பநிலையை கணக்கிட்டாலும், வெப்பநிலையில் எந்த மாற்றமும் இருக்காது; ஒரே விடை தான் வரும். அளக்கும் முறையில் தான் வேறுபாடு, கிறிஸ்தவர்கள் கணித்துள்ள கி.மு. / கி.பி. ஆண்டு கணக்குப்படி (கிரிகோரியன் ஆண்டு) தந்தை பெரியார் பிறந்தது கி.பி. 1879 ஆம் ஆண்டு, செப்டம்பர் மாதம் ஆகும். தமிழ் ஆண்டான திருவள்ளுவர் ஆண்டு கணக்குப்படி, தந்தை பெரியார் பிறந்தது தி.பி 1910, புரட்டாசி மாதம். இறந்தது கி.பி. 1973 டிசம்பர், தி.பி. 2004 மார்கழி என்று வரும்.

கிரிகோரியன் ஆண்டு படி கணக்கிட்டாலும் திருவள்ளுவர் ஆண்டு படி கணக்கிட்டாலும் தந்தை பெரியார் வாழ்ந்த ஆண்டுகள் 95 என்று தான் வரும். புத்தர், திருவள்ளுவருக்கு முன்னால் பிறந்திருந்தாலும்; திருவள்ளுவர் ஆண்டின்படி, புத்தர் எத்தனை ஆண்டுகளுக்கு முன்னால் பிறந்தார் என்பதை கண்டுபிடித்து விடலாம்.

அதே போல் தான், புவியின் சுழற்சியை கொண்டு, ஞாயிற்று (சூரிய) குடும்பத்தின் வயதை  கணக்கிடும் முறையும் ஆகும். அதாவது ‘ஒளி ஆண்டு’ என்கின்ற அளவை வைத்து கணக்கிடுகின்றனர். புவி  ஞாயிற்றை ({சூரியன்) சுற்றி வரும் காலம், ஓர் ஆண்டு ஆகும். இந்த ஓர் ஆண்டில், ஒளி எவ்வளவு தொலைவு பயணிக்கிறதோ, அது ஓர் ‘ஒளி ஆண்டு தொலைவு’ ஆகும். இந்த பயணத் தொலைவு ஏறக்குறைய 9.46 டிரில்லியன் கிலோமீட்டர் (5.88 டிரில்லியன் மைல்) ஆகும்.

புவியின் சுழற்சி வேகம் மாறுபட்டால் ஒழிய, கணக்கில் பிசகு வராது. அப்பொழுதும் கணக்கில் மாற்றம் செய்து கணக்கை சரிப்படுத்தி விடலாம்.

காலத்தையும் அளவையும் நமக்காகத்தான் பயன்படுத்துகிறோம்! வேற்றுக் கோளில் உள்ளவர்களுக்குமா பயன்படுத்துகிறோம்! அப்படியே பார்த்தாலும் ஈடுகட்டிவிடலாம்,

நிலவின் ஈர்ப்பு விசை, புவியின் ஈர்ப்பு விசையை விட 6 மடங்கு குறைவு. ஒரு மனிதனின் எடை புவியில் 60 கிலோகிராம் என்றால், நிலவில் அவரின் எடை 60/6 = 10 கிலோகிராம் இருக்கும்.

இந்த வகையில் அனைத்தையும் கணித்து விடலாம். இருக்கும் அளவுகளே போதுமானவை தான்.

அறிவியலை ஏமாற்றும் கட்டுக்கதைகள் ‘‘நெருப்பும், அக்னி பகவான் பெற்ற சாபமும்’’-செ.ர.பார்த்தசாரதி

அறிவியலை ஏமாற்றும் கட்டுக்கதைகள் ‘‘நெருப்பும், அக்னி பகவான் பெற்ற சாபமும்’’-செ.ர.பார்த்தசாரதி

தீ(சுடர்) உண்டாக வேண்டும் என்றால் மூன்று  பொருட்கள் தேவை.

அவை

1. எரிபொருள்
2. வெப்பம்
3. உயிர்வளி (ஆக்சிஜன்) என்பன.

இந்த மூன்று பொருள்கள் ஒன்று சேர்ந்தால் தான் தீ உண்டாகும்.

எரிந்து கொண்டிருக்கும் பொருளை அணைக்க வேண்டுமானால். எரியும் பொருளின் வெப்பத்தை குறைக்க வேண்டும். அதற்காக தண்ணீர் அல்லது தண்ணீரால் நனைக்கப்பட்ட பொருள் கொண்டு அணைக்கலாம். (குளிர்விக்கும் முறை)

Read More

 ஜோசியம் நிஜம் என்றால் மனிதர்கள்மீது குற்றம் சொல்லலாமா?

 அறுந்துபோன முத்துச்சரம் இந்தியாவிடமிருந்து விலகிப் போன உறவு நாடுகள்-பாணன்

அடுத்தது உயிர்வளி எனப்படும் ஆக்சிஜன் கிடைப்பதை தடை செய்ய வேண்டும். தீயை மூட வேண்டும் அல்லது கரியமில வாயு (கார்பன் டை ஆக்சைடு) எனப்படும் கரியமில வளியினை படரவிட்டு அணைக்க வேண்டும். (போர்வை முறை)

பெரிய அளவில் எரிந்து கொண்டிருக்கும் போது; தீ மேலும் பரவாமல் இருக்க, பக்கத்தில் உள்ள எரிபொருளை அப்புறப்படுத்த வேண்டும். (‘தீ’க்கு பட்டினி போடும் முறை)

  பூமியில் மட்டுமே தீ

நமது புவியில் மட்டுமே எளிதில் தீ உண்டாகும். மற்ற கோள்களிலோ விண்மீன்களிலோ, பால்வெளி மண்டலங் களிலோ (கேலக்சி) கூட தீ உண்டாகாது. நம் புவியில் மட்டுமே உயிர்வளி (ஆக்சிஜன் )உள்ளது. அதனால் இங்கு எளிதில் தீ உண்டாகின்றது

அதோடு மட்டுமல்லாமல் வளிமண்டலத்தில் (காற்றில்) ஒரு குறிப்பிட்ட அளவில் உயிர்வளி இருக்க வேண்டும். அப்பொழுதுதான் தீ உண்டாகும். நமது வளிமண்டலத்தில் 20.95% உயிர்வளி உள்ளது. இது தீ உண்டாக போதுமான அளவு ஆகும்.

தற்போது உள்ள இந்த விழுக்காட்டிற்கு, அதாவது 25%க்கு மேல் உயிர் வளி இருந்தால்  தற்போதுள்ள சாதாரண வெப்பநிலையிலேயே தானாகவே தீப்பிடித்து எரியும் நிலை ஏற்பட்டுவிடும். 15%க்கு கீழ் உயிர்வளி குறைந்தால் தீ அணைந்து விடும். தீயை உண்டாக்க முடியாது.

வெப்பம் எப்படி உண்டாகிறது?

வெப்பம் உண்டாக உராய்வு மட்டுமே போதும். இரண்டு பொருள்கள் உராயும்போது வெப்பம் உண்டாகிறது. அதேபோல் பொருள்கள் வினை புரியும்போதும் உராய்வு ஏற்பட்டு வெப்பம் உண்டா கிறது.

மின் விளக்கு எரிகிறது என்று சொல்கிறோம் ஆனால் உண்மையில் மின்விளக்கு எரிவதில்லை. வெப்பத்தையும் ஒளியையும் உமிழ்கிறது.

மெழுகுவர்த்தி, எண்ணெய் விளக்கு போன்றவற்றை எரிய விட்டுக் கொண்டு இருந்த நாம், பழக்கத்தின் பேரில் மின் விளக்கையும் எரிகிறது என்கிறோம். ஒளிர்கிறது என்று தான் சொல்ல வேண்டும்.

 ‘அக்னி பகவான்’
பெற்ற சாபமாம்

சிவபெருமான் இமய மலையின் உச்சியில், தன் மனைவி பார்வதியுடன் 100 தேவ ஆண்டுகள் உல்லாசமாக இருந்து, உடலுறவு இன்பத்தில் ஈடுபட்டு வந்தானாம்; இதனிடையே அக்னி பகவான் ‘புறா’ உருவம் கொண்டு அந்த இடத்திற்கு சென்று சிவபெருமானின் லீலைகளுக்கு இடையூறு ஏற்படுத்தியதால் சிவனின் விந்து நழுவி வீணானதாம். அதனால் பார்வதிதேவி தனக்கு குழந்தை பிறக்க விடாமல் செய்த அக்னி பகவானை “அக்னி(தீ)க்கு சயரோகம் (எலும்புருக்கி நோய்) பிடித்தது போல் உடன் புகையும் ஒரு பகுதியாக சேர்ந்து வரும்.”என்று சபித்து விட்டாளாம். அதனால் தான் தீ எரியும் போது புகையும் சேர்ந்து வருகிறதாம்.  காளிதாசர் இயற்றிய ‘’குமாரசம்பவம்’’ சருக்கம் – 10இல் இந்த கதை கூறப்பட்டுள்ளது.

உண்மையில் புகை எதனால் ஏற்படுகிறது

நீரை சூடு படுத்தும் போது நீரிலிருந்து நீராவி வெளி வருகிறது. இதுவும் ஒரு வகை புகை தான். நீரில் இருந்து வெளி வருவதால் அதை நாம் வேறுபடுத்தி நீராவி என்று சொல்கிறோம்.

 ஒகேனக்கல்

தர்மபுரி மாவட்டத்தில் ஒகேனக்கல் என்று ஒரு சுற்றுலா இடம் உள்ளது. ஒகேனக்கல் என்பது கன்னட மொழி பெயர். ‘ஒகனே’ என்றால் புகை. அதாவது ‘புகையும் கல்’ என்று பொருள். கல்லின் மீது நீர் மோதி சூடாகி, புகை போன்ற ஒரு நீர்த்துளிகளை உண்டாக்குகிறது. இதைத்தான் புகை என்கின்றனர்.

நாம் நடைமுறையில் புகை என்று சொல்வதைப் பற்றி பார்ப்போம்.

பொருட்கள் எரியும் போது தொடர்வினை ஏற்படுகிறது. இதனால் தொடர்ந்து எரிகிறது. இதனால் இந்த பொருளில் உள்ள கரி, நீர் ஆகியவை ஆவி வடிவில் வெளியேறுகின்றன. அதாவது கரித்துகள், கார்பன் டை ஆக்சைடு, கார்பன் மோனாக்சைடு மற்றும் நீராவி கலந்த ஒரு பொருள் வெளியேறுகிறது இவைதான் கருநிற புகையாக தெரிகிறது.

பொருள் முழுமையாக எரிக்கப்பட்டால் புகை வருவதே தெரியாது. அரைகுறையாக எரிக்கப்படும் போது தான் புகை வருகிறது.

இந்த அறிவியல் உண்மை தெரியாத காலத்தில் மதத்தின் பெயரால் முட்டாள்தனமாக கருத்துகளை பரப்பியுள்ளனர். இதுபோன்ற கருத்துகளை மதவெறியர்கள் எப்படியாவது பாட புத்தகங்களில் சேர்த்துவிடலாம் என்று முயன்று வருகின்றனர்.

-விடுதலை ஞாயிறு மலர், 25.10.2025

பாம்புக்கும் கீரிப்பிள்ளைக்கும் சண்டை மூண்டால்…-செ.ர.பார்த்தசாரதி

பாம்புக்கும் கீரிக்கும் சண்டை விடுவதாக சொல்லி; ‘மாயாஜால வித்தை’ (தந்திரக் காட்சி) காட்டுபவர்கள், கடைசியில் பாம்புக்கும் கீரிக்கும் சண்டை விடாமலேயே மூட்டை கட்டி விடுவர்.

இது எதனால் என்றால் பாம்புக்கும் கீரிக்கும் சண்டை விட்டால், கீரி பாம்பை கொன்று விடும் அதனால்.!

பாம்புகளின் வகைகள்

பாம்புகளில் நஞ்சு உள்ளவை நஞ்சு இல்லாதவை என இரண்டு வகை உள்ளது.  அதேபோல் நஞ்சு உள்ளவைகளிலும் இரண்டு வகைகள் உள்ளன. அவை:

1.. நீயூரோ டாக்சிக்’ (Neurotoxic) உள்ளவை.  2.‘ஈமோ டாக்சிக்’(Hemotoxic) உள்ளவை. என்பனவாகும்.

நியூரோ டாக்சிக் நஞ்சு உடலின் நரம்பு மண்டலத்தைப் பாதித்து, பக்கவாதத்தை ஏற்படுத்துகிறது. அதே நேரத்தில் ‘ஈமோ டாக்சிக்’ நஞ்சு இரத்தத்தைப் பாதித்து, திசு சேதத்தை ஏற்படுத்துகிறது. இதனால் உயிரிழப்பு ஏற்படுகிறது.

நாகப்பாம்புகள், மாம்பாக்கள் மற்றும் கிரெய்ட்கள் ‘நியூரோ டாக்சிக்’ நஞ்சை கொண்டுள்ளன, அதே நேரத்தில் ‘ராட்டில் ஸ்னேக்ஸ்’ மற்றும் ‘அட்டர்ஸ்’ போன்ற விரியன் பாம்புகள் ‘ஈமோ டாக்சிக்’ நஞ்சை கொண்டுள்ளன.

கீரிப்பிள்ளையும் பாம்பும்

கீரிப்பிள்ளைக்கும் பாம்புக்கும் சண்டை மூண்டால் கீரிப்பிள்ளையே வெல்லும்.   கீரிப்பிள்ளை விரைந்து செயல்படும் ஆற்றல் கொண்டது. இதனால் பாம்பிடம் சண்டை போட்டு, போக்கு காட்டி, பாம்பை சோர்வடைய வைக்கும். கீரிப்பிள்ளை தனது உடலில் இருக்கும் மயிர்களை சிலிர்க்க வைத்து பாம்புக்கு பெரிய உடலாக காண்பிக்கும்; இதனால் பாம்பின் கடி கீரிப்பிள்ளையின் உடல் மீது பதியாமல், மயிர் பகுதியிலேயே பதியும்.  அதோடு அதன் தோல் பகுதி மிகவும் கடினமானதால், கடியும் சரியாக பதியாது. கீரிப்பிள்ளை பாம்பின் தலையை சிதைத்தும்; கழுத்தை குதறியும் கொன்றுவிடும். கீரிப்பிள்ளையின் கடி மிக வலிமை வாய்ந்தது.  அப்படியே பாம்பின் கொத்து, கீரியின் உடம்பில் பட்டு நஞ்சு பாய்ந்தாலும் பாம்பின் நஞ்சு கீரியை ஒன்றும் செய்யாது. காரணம் கீரிப்பிள்ளையின் உடம்பில் பாம்பின் நஞ்சுக்கான எதிர் புரதம் (Antibody), அதாவது மாறுபட்ட ‘அசிட்டோகோலின் ஏற்பி’ (Acetylcholine receptor) என்ற நச்சு முறிவு பொருள் (anti venom) உள்ளது. அதேபோல் கிளைக்கோ புரதம் ((Glycoprotein) என்கிற நஞ்சு எதிர்ப்பு பொருளும் உள்ளது. இந்தப் பொருள்கள் பாம்பின் நஞ்சை முறித்து விடும். இதனால் கீரிப்பிள்ளை பாம்பு கடியால் இறக்காது தப்பித்துவிடும்.   இதே போல் பாம்பு நஞ்சிற்கு எதிரான ‘புரதப் பொருள்’ உள்ள பல உயிரினங்கள் உள்ளன.

அதில் ஒன்று குதிரை. குதிரையின் காலில் பாம்பு கொத்திய பிறகு, குதிரையின் உடம்பில் பாம்பு நஞ்சுக்கு எதிரான புரதம் சுரந்து இரத்தத்தில் கலந்து விடும். இதனால் குதிரை பிழைத்து விடும்.

இதை பயன்படுத்தி குதிரையின் இரத்தத்திலிருந்து பாம்பு கடிக்கு ‘முறிவு மருந்து’ தயாரிக்கிறார்கள்.

 பாம்பு கடிக்கு மருந்து

பாம்பின் நஞ்சை சிறிய அளவில் மாற்றம் செய்து, ஊசி மூலம் குதிரைக்கு செலுத்துகிறார்கள். சில நாட்களில் குதிரையின் உடம்பில் ‘நஞ்சு முறிவு புரதம்’ சுரக்கிறது. குதிரையின் இரத்தத்தில் இருக்கக்கூடிய இந்த புரதத்தை பிரித்தெடுத்து, மனிதர்களுக்கு ஏற்படும் பாம்பு கடிக்கு மருந்தாக பயன்படுத்துகின்றனர்.

அதேபோல், கோழியின் உடலில் சிறிய அளவில் பாம்பின் நஞ்சை செலுத்தி;, அது இடும் முட்டையின் மஞ்சள் கருவைக் கொண்டு பாம்பு கடிக்கு மருந்து தயாரிக்கின்றனர். பாம்பு கடிக்கு மருந்து உயிரினத்தில் இருந்து தான் தயாரிக்கப்படுகிறது. ‘இறைச்சி உணவு’ கூடாது என்பவர்கள் (Non-Vegetarian); பாம்பு கடிக்கு பலியாக வேண்டியது தான்!

- விடுதலை ஞாயிறு மலர், 27.09.2025 

1. குதிரை மூலம் பாம்பு கடிக்கு நஞ்சு முறிவு மருந்து தயாரிக்கும் முறை

2. கோழி மூலம் பாம்பு கடிக்கு நஞ்சு முறிவு மருந்து தயாரிக்கும் முறை

மனித இனம் முற்றிலும் அழிந்து போக இருந்த நிலையில் வெறும் 2,280 பேரில் இருந்து முகிழ்த்த புதிய மனித இனம்

 ஒன்பது லட்சம் ஆண்டுகளுக்கு முன்பு, மனித இனத்தின் மூதாதையர்கள் ஒரு கடுமையான மக்கள்தொகை குறைவை (population bottleneck) எதிர்கொண்டனர். இது மனித இனத்தை அழிவின் விளிம்புக்கு கொண்டு சென்றது.

2023-ஆம் ஆண்டு ‘சயின்ஸ்’ (Science) இதழில் வெளியான ஒரு மரபணு ஆய்வு, அந்தக் காலகட்டத்தில் உலகின் மொத்த இனப்பெருக்கம் செய்யக்கூடிய மனிதர்களின் எண்ணிக்கை வெறும் 1,280 ஆக குறைந்திருக்கலாம் என்று கூறுகிறது.

இந்த குறைவு சுமார் 1,17,000 ஆண்டுகள் நீடித்திருக்கலாம். இந்த ஆய்வு ‘ஃபிட்கோல்’ (FitCoal) என்ற புதிய புள்ளியியல் முறையைப் பயன்படுத்தி, 3,000-க்கும் மேற்பட்ட நவீன மனிதர்களின் மரபணுக்களை பகுப்பாய்வு செய்தது. முடிவுகள், அந்தக் காலத்தில் நமது மூதாதையர்களின் மரபணுக்களில் 98.7% இழப்பு ஏற்பட்டதை வெளிப்படுத்தின.

ஸ்மித்சோனியன் இதழ் (Smithsonian Magazine) போன்ற ஆதாரங்களின்படி, இந்த மக்கள்தொகை குறைவு கடுமையான பனிப்பாறை உருவாக்கம், நீண்ட வறட்சி மற்றும் தீவிர காலநிலை மாற்றங்களால் ஏற்பட்டிருக்கலாம். இவை உணவு ஆதாரங்களை அழித்து, உயிர்வாழ்வை பெரும் சவாலாக மாற்றின.

சுவாரஸ்யமாக, இந்தக் காலக்கட்டம் ஆப்பிரிக்கா மற்றும் யூரேசியாவின் புதைபடிவ பதிவுகளில் உள்ள ஒரு அறிய முடியாத இடைவெளியுடன் ஒத்துப்போகிறது. இது நவீன மனிதர்கள் (Homo sapiens), நியண்டர்தால்கள் மற்றும் டெனிசோவன்களின் கடைசி பொதுவான மூதாதையரின் தோற்றத்தைக் குறிக்கலாம்.

புதிய அறிவியல் ஆய்வுகள் மற்றும் அகழ்வாய்வு தகவல்கள்

2023 ஆய்வுக்கு பிறகு, 2024-ஆம் ஆண்டு ‘புரோசீடிங்ஸ் ஆஃப் தி நேஷனல் அகாடமி ஆஃப் சயின்ஸஸ்’ (PNAS) இதழில் வெளியான ஒரு புதிய ஆய்வு இந்த நிகழ்வை மேலும் ஆழமாக விளக்குகிறது.

இத்தாலியின் மிலன் பல்கலைக்கழகத்தின் ஜியோவானி முட்டோனி மற்றும் கொலம்பியா பல்கலைக்கழகத்தின் டென்னிஸ் கென்ட் ஆகியோரால் நடத்தப்பட்ட இந்த ஆய்வு, இந்த மக்கள்தொகை குறைவை ஆப்பிரிக்காவிலிருந்து யூரேசியாவுக்கு ஒரு பெரிய இடம்பெயர்வுடன் (migration) இணைக்கிறது.

இது மிட்-ப்ளெயிஸ்டோசீன் டிரான்சிஷன் (Mid-Pleistocene Transition) என்ற காலநிலை மாற்ற காலத்துடன் ஒத்துப்போகிறது, அப்போது உலகளாவிய கடல் மட்டங்கள் வீழ்ச்சியடைந்து, ஆப்பிரிக்கா மற்றும் ஆசியாவில் வறட்சி அதிகரித்தது. இந்த காலத்தில் சவன்னா பகுதிகள் விரிவடைந்து, உணவு மற்றும் நீர் ஆதாரங்கள் குறைந்தன.

இந்த ஆய்வு யூரேசியாவில் உள்ள பழங்கால ஹோமினிட் (hominid) வாழிட தளங்களின் பதிவுகளை மறுபரிசீலனை செய்தது. சுமார் 9 லட்சம் ஆண்டுகளுக்கு முந்தைய தளங்கள் நம்பகமான தேதிகளுடன் கண்டுபிடிக்கப்பட்டன, இது இடம்பெயர்வை உறுதிப்படுத்துகிறது.

கடல் வண்டல் பதிவுகள் (marine sediment records) மூலம் ஆக்சிஜன் அய்சோடோப் விகிதங்களை ஆய்வு செய்ததில், காலநிலை மாற்றங்கள் இந்த இடம்பெயர்வை தூண்டியதாக தெரிகிறது. குறைந்த கடல் மட்டங்கள் நிலப்பாலங்களை உருவாக்கி, ஆப்பிரிக்காவிலிருந்து யூரேசியாவுக்கு செல்ல உதவின. இந்த இடம்பெயர்வு மூலம், ஆரம்பகால ஹோமோ இனங்கள் (Homo erectus போன்றவை) அழிவை தவிர்த்தன என்று ஆய்வாளர்கள் கூறுகின்றனர்.

மேலும், 2024-ஆம் ஆண்டு இறுதியில் வெளியான ஆய்வுகள் இந்த நிகழ்வை காலநிலை மாற்றத்துடன் இணைத்து, மரபணு பன்முகத்தன்மை இழப்பை விளக்குகின்றன. 2025-ஆம் ஆண்டு ஜூன் மாதத்தில் வெளியான ஒரு கட்டுரை, இந்த நிகழ்வை மனித இனத்தின் “மிகவும் ஆபத்தான அத்தியாயம்” என்று விவரிக்கிறது, மரபணு சான்றுகளை மேலும் உறுதிப்படுத்துகிறது.

அகழ்வாய்வு (archaeological) சான்றுகள்: இந்த காலகட்டத்தின் புதைபடிவங்கள் அரிதாகவே உள்ளன, ஆனால் யூரேசியாவில் 9 லட்சம் ஆண்டுகளுக்கு முந்தைய ஹோமினிட் தளங்கள் (எ.கா., ஐரோப்பா மற்றும் ஆசியாவில்) இடம்பெயர்வை சுட்டிக்காட்டுகின்றன. ஆப்பிரிக்காவில் புதைபடிவ இடைவெளி (fossil gap) இந்த bottleneck ஐ உறுதிப்படுத்துகிறது, ஆனால் முழுமையான சான்றுகள் இல்லை.

விமர்சனங்கள் மற்றும் விவாதங்கள்

இந்த நிகழ்வு நமது உயிர்வாழ்வின் கதையில் தகவமைப்பு (adaptation) மற்றும் மீண்டெழுதலின் (resilience) முக்கியத்துவத்தை காட்டுகிறது. காலநிலை மாற்றங்கள் மற்றும் இடம்பெயர்வுகள் மூலம் நமது மூதாதையர்கள் அழிவை தவிர்த்தனர்.

இன்று, காலநிலை நெருக்கடிகளை எதிர்கொள்ளும் நமக்கு இது ஒரு எச்சரிக்கையாக உள்ளது. புதிய ஆய்வுகள் இந்த வரலாற்றை மேலும் விரிவாக்குகின்றன,  மேலும் அகழ்வாய்வுகள் நடத்தும் போது மனித இனத்தின் இன்றைய பரினாமவளர்ச்சியின் துவக்கப்புள்ளி கிடைத்துவிடும் என்று கூறப்படுகிறது.

-விடுதலை ஞாயிறு மலர் 6.9.25

வெளி’ என்பது வெற்றிடம் அல்லவாம்! விந்தையான சுரங்கமாம்!

 ஸ்பேஸ் அல்லது விண்வெளி என்றால் வெற்றிடம் என்றுதான் நமக்கு சொல்லப்பட்டிருக்கிறது. ஆனால் விண்வெளி உண்மையில் வெற்றிடம் கிடையாது என்று தற்போது விஞ்ஞானிகள் கண்டுபிடித்துள்ளனர்.

நமது பூமி இருக்கும் சூரியக் குடும்பத்திலிருந்து தொலைதூர நட்சத்திரங்கள் வரை ஒரு விந்தையான சுரங்கப்பாதை பரவியிருக்கிறது என்று விஞ்ஞானிகள் கூறுகின்றனர். இப்படி இருக்க வாய்ப்பு இருக்கிறது என்று விஞ்ஞானிகள் காலங்காலமாக நம்பி வந்த நிலையில், தற்போது இதற்கான ஆதாரம் கிடைத்திருக்கிறது.

இந்த சுரங்கப்பாதை சூடான, குறைந்த அடர்த்தி கொண்ட பிளாஸ்மாவால் ஆனது. இ-ரோசிட்டா எக்ஸ்-ரே தொலைநோக்கி மூலம் கண்டறியப்பட்ட இந்த கண்டுபிடிப்பு, நம் பால்வெளியின் மறைந்திருக்கும் கட்டமைப்புகள் பற்றிய புதிய தகவல்களை அளிக்கிறது. அத்துடன், விண்வெளி வெறுமையானது என்ற நீண்டகாலக் கருத்தை மறுபரிசீலனை செய்யத் தூண்டுகிறது.

பல ஆண்டுகளாக, விஞ்ஞானிகளிடையே ஒரு பொதுவான கருத்து நிலவி வந்தது. அதாவது, சூரியன் “உள்ளூர் சூடான குமிழி” எனப்படும் ஒரு விந்தையான பகுதிக்குள் அமைந்துள்ளது என்பதுதான் அது. இந்தக் குமிழி சுமார் 300 ஒளி ஆண்டுகள் அகலமானது. ஒளி ஒரு நொடிக்கு 3 லட்சம் கி.மீ வேகத்தில் பயணிக்கும். ஓர் ஆண்டு முழுவதும் இது எவ்வளவு தொலைவில் பயணிக்கிறதோ அதைத்தான் ஒளி ஆண்டு என்கிறார்கள்.

இந்த சூடான குமிழி, சூப்பர்நோவா வெடிப்புகளால் இது உருவானது. சுற்றியுள்ள வாயுவை சூடாக்கி, சூடான, மெல்லிய பிளாஸ்மாவின் ஒரு குமிழியை உருவாக்கின. இதுவரை, இது தனிமைப்படுத்தப்பட்ட ஓர் அம்சமாகவே கருதப்பட்டது.

மாக்ஸ் பிளாங்க் நிறுவனத்தைச் சேர்ந்த டாக்டர் எல். எல். சாலா மற்றும் அவரது சக ஆய்வாளர்கள் மேற்கொண்ட ஆய்வில் இது கண்டுபிடிக்கப்பட்டிருக்கிறது. நாம் முன்னாடி நம்பிக்கொண்டிருந்ததை விட இந்தக் குமிழி அதிகத் தொடர்பு கொண்டதாக இருக்கலாம் என ஆய்வுகள் சொல்கின்றன. ஆய்வில் சென்டாரஸ் விண்மீன் குழுவை நோக்கி நீட்டிக்கப்படும் ஒரு சுரங்கப்பாதை போன்ற அமைப்பையும், மேலும் கேனிஸ் மேஜர் திசை நோக்கி செல்லும் மற்றொரு பாதையையும் வெளிப்படுத்தியுள்ளன.

இப்போது நாம் இந்த குழியின் மய்யத்திற்கு அருகில் இருக்கிறோம், இது திட்டமிட்டது அல்ல, தற்செயலானது. மனித இனம் உருவாவதற்கு பல மில்லியன் ஆண்டுகளுக்கு முன்பே இது உருவாகிவிட்டது. குறிப்பாகச் சொல்வதெனில் நாம் வான வேடிக்கைகளை தவற விட்டுவிட்டோம். அது மட்டுமல்லாது, ஒரு பெரிய அண்ட நிகழ்வின் விளைவுக்குள் நாம் தற்செயலாக நுழைந்தது போல உள்ளது. எதிர்காலத்தில் இது பற்றிய ஆய்வு அதிகரிக்கும் அப்போது நாம் இன்னும் அதிகமான விஷயங்களை தெரிந்துகொள்வோம்.

- விடுதலை நாளேடு,21.8.25

நமது பால்வெளி மண்டலம்

 

பொதுவாக நமது பால்வெளி மட்டுமல்ல இதர பால்வெளி மண்டலங்கள் அனைத்திற்கும் மையத்தில் இருக்கும் அதி சக்திவாய்ந்த கருந்துளை ஒன்று உள்ளது. இதன் ஈர்ப்பு விசை வினாடிக்கு வினாடி அதிகரித்து வரும்.

இந்த மையக் கருந்துளையின் ஈர்ப்பால் தான் நமது சூரியன் முதல் பல்வேறு விண்மீன்கள் தனது அச்சிலிருந்து விலகிச்செல்லாமல் சுழன்று கோள்களையும் ஒரு கட்டுப்பாட்டிற்குள் வைத்திருக்கின்றன, இந்தக் கருந்துளை நாம் முன்பு பார்த்த பிளாக்ஹோலிருந்து வேறுபட்டது. இந்த கருந்துளையிலிருந்து மில்லியன் சக்திகொண்ட ஒளிப்பிழம்புகள் (வெப்பக் கதிர்களாக) வெளியேறிக்கொண்டு இருக்கின்றன.

முன்பு நாம் பார்த்த நியூட்ரான்களும் இங்கிருந்து வெளியேறிக்கொண்டு உள்ளன இவை நமது உடலையும் ஊடுறுவிச் சென்று கொண்டிருக்கின்றன, இவற்றை மின்னிடும்-கருமை ஒளிக்கதிர்கள் என்றும், ஆங்கிலத்தில் Black-body radiation என்றும் அழைப்பார்கள்.

இந்தப் பிரபஞ்சம் (பெருவெளி) விரிவடைய விரிவடைய அனைத்துப் பால்வெளி மண்டலங்களும் ஒன்றை ஒன்று விலகிச்சென்றுகொண்டு இருக்கின்றன. எப்படி நாம் சோப்புக் குமிழை ஊதும் போது பல்வேறு சோப்புக் குமிழ்கள் புறப்பட்டு விண்ணில் பறந்து செல்கின்றனவோ அதுபோல் பால்வெளி மண்டலங்களும் விரிந்து பெருவெளியில் பயணித்துக் கொண்டு உள்ளன.

கடற்கரையில் நமது கால்களைத் தொட்டுத்தழுவும் அலைகள் போல இந்தக் கருந்துளையில் இருந்து நமது பால்வெளி மண்டலம் முழுவதும் அவ்வப்போது கதிரியக்கம் வாய்ந்த ஆபத்தான கதிர்கள் வந்து கொண்டு இருக்கின்றன, இந்தக் கதிர்களை நமது சூரியக் குடும்பத்தைச் சுற்றியுள்ள கைபர் பெல்ட் பகுதி தடுத்துவிடுகிறது.

நூறாயிரம் ஒளியாண்டு அகலமான நமது பால்வெளி மண்டலங்களைப் போல் மில்லியன் கணக்கான பால்வெளி மண்டலங்கள் பிரபஞ்ச விண்வெளிக் கடலில் நகர்ந்து கொண்டு வருகின்றன. கற்பனைகூட செய்யமுடியாத ஒளிவெள்ளத்தில் அனைத்து பால்வெளி மண்டலங்களும் மிதந்துகொண்டு இருக்கின்றன.

எப்படி நமது சூரியன் மற்றும் விண்மீன்களை பால்வெளி மண்டலத்தில் உள்ள கருந்துளை ஈர்த்து வைத்திருக்கிறதோ, அதே போல் மிகப்பெரிய கருந்துளை ஒன்று அதீத சக்திவாய்ந்த ஈர்ப்பு விசையுடன் அனைத்தையும் ஈர்த்து வைத்துள்ளது. இந்த கருந்துளை குறித்து 2020 – -ஆம் ஆண்டிற்குள் முழுமையான விவரங்கள் கிடைத்துவிடும்.

1999 ஆம் ஆண்டில் நமது பால்வெளி மண்டலம் ஒருமுறை சுற்றும் கால அளவை மிகச் சரியாக கணக்கிட்டனர். இதை பால்வெளி ஆண்டு என்றும் பெயரிட்டனர். ஒரு பால்வெளியாண்டு என்பது 22.6 கோடி ஆண்டுகளாகும்.

(A Galactic Year = 226 Million Year) அதாவது நமது சூரியன் முன்பு இப்போது நாம் இருக்கும் இடத்தில் இருந்த நேரத்தில் பூமியில் டைனோசர்கள் உலவிக்கொண்டு இருந்தன. இந்த இடைப்பட்ட காலத்தில் சூரியன் பால்வெளி மண்டலத்தை ஒருமுறை சுற்றிவந்துவிட்டது.

சூரியன் தோன்றியதில் இருந்து இன்றுவரை சுமார் 30 சுற்றுக்கள் பால்வெளி மண்டலத்தை சுற்றியிருக்கும் என்று அறிவியலாளர்கள் கூறுகின்றனர். அடுத்த சுற்று சுற்றி சூரியன் இதே இடத்திற்கு வரும் போது ஒன்று மனித இனம் அழிந்திருக்கும் அல்லது அறிவியல் முன்னேற்றம் காரணமாக பூமியை விட்டு வேறு கோள்களில் மனித இனம் குடியேறி இருக்கும்.

சுழலும் வேகம்

2002-ஆம் ஆண்டில் இருந்து நமது பால்வெளி மண்டலத்தை நுண் அலை தொலைநோக்கி (Radio Telescope) வழியாக ஆய்வு செய்து வருகின்றனர். இதன் மூலம் ஹப்பிள் தொலைநோக்கியைவிட 500 மடங்கு பெரிய அளவில் துல்லியமாக நமது பால்வெளி  மண்டலத்தின் பல்வேறு பகுதிகளை கண்டு ஆய்வு செய்யமுடியும்,

முக்கியமாக இந்தப் பால்வெளி மண்டலத்தை நமது சூரியன் வினாடிக்கு 218 கிலோமீட்டர் வேகத்தில் சுற்றிக்கொண்டு இருக்கிறது, இதை ஆங்கிலத்தில் ளிக்ஷீதீவீtணீறீ ஷிஜீமீமீபீ என்று கூறுவார்கள்.

தூரம்

நமது சூரியன் பால்வெளிமண்டலத்தின் மையத்தில் இருந்து 25,000 ஒளியாண்டு தூரம் உள்ளது. அதே நேரத்தில் மைய ஈர்ப்பு விசையின் காரணமாக 486,000 மைல் வேகத்தில் பால்வெளி மண்டலத்தின் மையத்தை நோக்கி நமது சூரியன் பயணித்துக் கொண்டு இருக்கிறது,

நமது சூரியன் மற்றும் இதர விண்மீன்களின் சுற்றுவேகம் மற்றும் ஈர்ப்பு வேகத்தை, தொடர்ந்து கண்காணித்து வந்தபோது மிகவும் வியக்கத்தகுந்த ஒரு தகவல் வெளிப்பட்டது, நமது சூரியன் மற்றும் அனைத்து விண்மீன்களும்  ஒரே வேகத்தில் பயணித்துக் கொண்டு இருக்கின்றன, எந்த ஒரு காலகட்டத்திலும் நமது சூரியன் வேறு ஒரு விண்மீன் மீது மோதும் வாய்ப்பில்லை.

இதே நடைமுறை தான் அனைத்து விண்மீன் மற்றும் கோள்களில் உள்ளது. அதனால் தான் நமது பூமி அதன் சுற்றுவட்டப்பாதையில் எந்த ஒரு தடையுமின்றி சுற்றிவருகிறது. இதர கோள்களும் சுதந்திரமாக சுற்றிவருகின்றன. எடுத்துக்காட்டாக ஓட்டப்பந்தய மைதானத்தில் ஒவ்வொரு வீரருக்கும் என்று கோடு போட்டு வைத்திருப்பார்கள். அந்தக் கோட்டில் இருந்து வெளியே சென்றால் மற்றொருவருடன் மோத வேண்டிவரும்.

ஆகையால் அந்தக் கோட்டிற்குள்ளேயே ஓடி பதக்கங்களை வெல்வார். இதே நடைமுறை தான் நாம் வாழும் இந்தப் பிரபஞ்சத்தின் ஒவ்வோரு பொருளிலும் உள்ளது.

உயிர்கள் மட்டுமல்ல எந்த ஒரு பொருளுக்கும் அழிவு ஒன்று உண்டு. நமது பால்வெளி மண்டலமும் ஒரு காலத்தில் அழிவைச் சந்திக்கும். நமது பால்வெளி மண்டலத்திற்கு அருகில் உள்ள ஆண்ட்ரோமீடா என்ற பால்வெளி மண்டலத்தின் வெளிப்புர வளையம் நமது பால்வெளி மண்டலத்தின் ஈர்ப்புவிசைக்கு அருகில் நெருங்கிக்கொண்டு உள்ளது.

அதாவது நமது பால்வெளி மண்டலத்தின் ஈர்ப்புவிசைக்குள் அது வந்துவிட்டால் நமது பால்வெளி மண்டலம் வெளிப்புறமும் ஆண்ட்ரோமீடாவின் வெளிப்புறமும் மோதும் சூழல் ஏற்படும் இதன் காரணமாக இரண்டு பால்வெளி மண்டலத்தின் ஈர்ப்புவேகம் சிதைவுற்று இரண்டு பால்வெளி மண்டலமும் ஒன்றில் ஒன்று கலந்துவிடும், அச்சமடைய வேண்டாம் இது நடப்பதற்கும் இன்னும் 300 கோடி ஆண்டுகள் வரையிலும் ஆகலாம், அல்லது அதற்கு அதிகமாக ஆகலாம்.

வயது

நமது பால்வெளிமண்டலத்தின் வயது குறித்து பூமியில் உள்ள அணுக்களின் உதவியுடன் காணலாம். நமது பால்வெளி மண்டலத்தில் ஆரம்பக்கால வெப்பநிலையில் தோரியம் 232 மற்றும் யுரேனியம் 238 அணுக்கள் உருவாகின. இந்த அணுக்களின் மூலம்  நமது பால்வெளி மண்டலத்தின் வயதைக் கணிக்கின்றனர். இதன்படி நமது பால்வெளி மண்டலத்தின் வயது 1600 கோடி ஆண்டுகள் என்று துல்லியமாக கணிக்கப்-பட்டுள்ளது.

(தனுசு) சஜிடெரியஸ் Sagittarius விண்மீன் மண்டலம் ஸ்கார்ப்பியன் விண்மீன் மண்டலத்தின் வால் பகுதியில் உள்ளது. கோடை காலத்தில் சஜிடெரியஸ் விண்மீன் மண்டலம் தெளிவாகத் தெரியும். இந்த விண்மீன் மண்டலத்தில் கிழக்கு முனையில் சஜிடெரியஸ் ‘எ’ என்ற இரட்டை விண்மீன்கள் கண்டறியப்பட்டுள்ளது.

இந்த இரட்டை விண்மீன்கள் என்பது பால்வெளி மண்டலத்தின் மையத்திற்கு மிக நெருக்கமாக அமைந்திருக்கும் ஒரு அதிஉயர் கதிரியக்கம் வாய்ந்த விண்மீன் ஆகும். இதை விண்மீன் என்று அடையாளமிட்டு அழைத்தாலும் இது அதிக நிறை கொண்ட கருந்துளை (supermassive black hole) ஆகும்,

சஜிடெரியஸ் ‘எ’ வின்  இயக்கத்தை வைத்து பால் வழியின் மையத்தில் அதித நிறை கொண்ட கருந்துளை உள்ளது உறுதி செய்யப்பட்டுள்ளது.

இன்னும் நாம் செல்லவேண்டிய தூரம் அதிகம் உள்ளது அடுத்த தொடரில் சந்திப்போம்.

- பெரியார் பிஞ்சு மாத இதழ், டிசம்பர் 2015